Advertisement
Advertisement
Latest Telugu News
Advertisement
Published: Tue, 16 Aug 2022 12:09:08 IST

ఉపాధ్యాయుడి దుశ్చర్య: దళిత విద్యార్థి మృతి

twitter-iconwatsapp-iconfb-icon
ఉపాధ్యాయుడి దుశ్చర్య: దళిత విద్యార్థి మృతి

కుండలోని నీళ్లు తాగాడని చావగొట్టిన ఉపాధ్యాయుడు 

రాజస్థాన్‌ను కుదిపేసిన దళిత విద్యార్థి మృతి


జైపూర్‌, ఆగస్టు 15: ఉపాధ్యాయుని(teacher) చేతిలో దళిత విద్యార్థి(Dalit student) మృతి చెందిన సంఘటన రాజస్థాన్‌(Rajasthan)ను కుదిపేసింది. తన సామాజిక వర్గానికి ఎలాంటి న్యాయం చేయలేకపోతున్నానన్న ఆవేదనతో పదవికి రాజీనామా చేస్తున్నట్టు అధికార కాంగ్రెస్‌ పార్టీ ఎమ్మెల్యే పనా చంద్‌ మేఘ్వాల్‌ ప్రకటించారు. ఆయన బరన్‌-ఆత్రూ (SC) నియోజవర్గానికి ప్రాతినిధ్యం వహిస్తున్నారు. ఎస్సీలపై అత్యాచారాలను ఆపలేకపోతున్నానని పేర్కొంటూ ముఖ్యమంత్రి గెహలోత్‌(Chief Minister Gehlot)కు రాజీనామా పత్రాన్ని పంపించారు. స్వాతంత్య్ర అమృతోత్సవాల సమయంలో ఇలాంటి దారుణాలు ఏమిటంటూ విమర్శలు వస్తున్నాయి. జాలోర్‌ జిల్లా సైలాలోని ప్రైవేటు పాఠశాలలో చదువుతున్న ఇంద్రకుమార్‌ మేఘవాల్‌ (9) అనే విద్యార్థి గత నెల 20న తరగతి గదిలో టీచర్‌ కోసం ఉంచిన కుండలోని నీటిని తాగాడు. దీనిపై ఉపాధ్యాయుడు చైల్‌ సింగ్‌(40) ఆగ్రహించి ఆ విద్యార్థిని తీవ్రంగా కొట్టాడు.


ముఖంపై కొట్టడంతో రక్తస్రావమైంది. కళ్లు, చెవులు తీవ్రంగా దెబ్బతిన్నాయి. ఆ బాలుడిని తొలుత ఉదయ్‌పూర్‌ ఆస్పత్రికి తరలించారు. మెరుగైన చికిత్స కోసం అహ్మదాబాద్‌లో ఉన్న ఆస్పత్రిలో చేర్చారు. ఇంద్రకుమార్‌ మొత్తంగా 25 రోజులపాటు చికిత్స పొందుతూ శనివారం రాత్రి చనిపోయాడు. దాంతో పోలీసులు చైల్‌సింగ్‌ను అరెస్టు చేశారు. అతడిపై హత్య కేసుతో పాటు ఎస్సీ, ఎస్టీ అట్రాసిటీ కేసు నమోదు చేశారు. ఇంద్రకుమార్‌ కుటుంబానికి సీఎం అశోక్‌ గెహ్లోత్‌ రూ.5 లక్షల పరిహారం ప్రకటించారు. రాష్ట్ర మానవ హక్కుల కమిషన్‌, ఎస్సీ, ఎస్టీ కమిషన్‌లు దర్యాప్తు జరపనున్నాయి.

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement

జాతీయం Latest News in Teluguమరిన్ని...

క్రీడాజ్యోతిLatest News in Telugu మరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.