‘నాడా’ యాప్‌ ఆవిష్కరణ

న్యూఢిల్లీ: జాతీయ డోపింగ్‌ నిరోధక సంస్థ (నాడా) తొలి మొబైల్‌ యాప్‌ను కేంద్ర క్రీడామంత్రి కిరణ్‌ రిజిజు మంగళవారం ఆవిష్కరించారు. డోప్‌ కేసులు లేని క్రీడలవైపు పయనించేందుకు ఇది తొలి అడుగు అని మంత్రి అభివర్ణించారు. పొరపాటున క్రీడాకారులు నిషేధిత ఉత్ర్పేరకాలు ఉపయోగించకుండా తీసుకోవాల్సిన జాగ్రత్తలు ఇందులో పొందుపర్చామన్నారు. చాలా మంది క్రీడాకారులు సరైన అవగాహన లేక వైద్యం కోసం నిషేధిత జాబితాలో ఉన్న మందులు వాడి ఇబ్బందుల్లో పడుతున్నారు. ఈ నేపథ్యంలో క్రీడాకారులు డోప్‌ టెస్టులో పట్టుబడకుండా నాడా సూచించిన మందుల వివరాలను ఆ యాప్‌లో ఉంచారు.