రైతుకు ముందస్తుగా 50% నిధులివ్వాలి: శివాజీ

న్యూఢిల్లీ, డిసెంబరు 2(ఆంధ్రజ్యోతి): కొత్త రైతు చట్టం ద్వారా అవకాశమిచ్చిన కాంట్రాక్టు సేద్యంలో లోపాలను సరిదిద్దాలని, రైతులకు ఒప్పందం మేరకు ముందస్తుగా 50ు నిధులు ఇవ్వాలని కిసాన్‌ ఫౌండేషన్‌ గౌరవ అధ్యక్షుడు, మాజీ ఎంపీ యలమంచిలి శివాజీ కేంద్ర ప్రభుత్వానికి సూచించారు. 2021-22 బడ్జెట్‌ రూపకల్పనకు సలహాలు స్వీకరించడానికి ఆన్‌లైన్‌లో నిర్వహించిన ప్రీబడ్జెట్‌ భేటీలో శివాజీ పలు సూచనలు చేశారు. కనీసం ఐదేళ్ల పాటు ప్రభుత్వ పాఠశాలలు, కాలేజీల్లో చదివిన గ్రామీణ ప్రాంత విద్యార్థులకు వృత్తి విద్యా కాలేజీల్లో 15ు సీట్లను ప్రత్యేకంగా కేటాయించాలని కోరారు.