పుజార, రహానెలకు ‘బి’ గ్రేడ్?
ABN , First Publish Date - 2022-01-27T07:08:41+05:30 IST
బ్యాటింగ్లో వరుసగా విఫలమవుతున్న సీనియర్లు చటేశ్వర్ పుజార, అజింక్యా రహానెల సెంట్రల్ కాంట్రాక్ట్ గ్రేడ్ దిగజారే అవకాశం ఉంది.
న్యూఢిల్లీ: బ్యాటింగ్లో వరుసగా విఫలమవుతున్న సీనియర్లు చటేశ్వర్ పుజార, అజింక్యా రహానెల సెంట్రల్ కాంట్రాక్ట్ గ్రేడ్ దిగజారే అవకాశం ఉంది. గతేడాది ప్రదర్శన ఆధారంగా సెంట్రల్ కాంట్రాక్ట్ గ్రేడ్లను బీసీసీఐ నిర్ణయిస్తుంది. ఈ నేపథ్యంలో పుజార, రహానెలను ‘ఎ’ గ్రేడ్లో తొలగించి ‘బి’ గ్రేడ్ కాంట్రాక్ట్ ఇవ్వనున్నట్టు విశ్వసనీయ సమాచారం. పేసర్ ఇషాంత్ శర్మ కాంట్రాక్ట్ స్థాయి కూడా దిగజారే చాన్సులున్నాయి. కాగా, కోహ్లీ, బుమ్రా, రోహిత్ శర్మకు ఎ+.. రాహుల్, రిషభ్ పంత్, షమి, అశ్విన్లకు ఎ గ్రేడ్ కాంట్రాక్ట్లు దక్కనున్నట్టు బోర్డు అధికారి ఒకరు తెలిపారు. త్వరలో బీసీసీఐ వీటిపై ప్రకటన చేస్తుందని చెప్పారు. స్వదేశంలోనూ విదేశాల్లోనూ పేలవ ప్రదర్శన కనబరుస్తున్న పుజార, రహానె జట్టుకు భారంగా మారారు. వీరి కెరీర్ దాదాపుగా ముగిసినట్టేనని విశ్లేషకులు అంచనా వేస్తున్నారు.