చినజీయర్ వ్యాఖ్యలపై ఓయూ విద్యార్థులు ఫైర్‌

హైదరాబాద్: చినజీయర్ వ్యాఖ్యలపై ఓయూ విద్యార్థులు మండిపడ్డారు. సమ్మక్క-సారలమ్మలపై అనుచిత వ్యాఖ్యలు చేశారంటూ చినజీయర్ దిష్టిబొమ్మను ఓయూ విద్యార్థులు దగ్ధం చేశారు. చినజీయర్‌ను తెలుగురాష్ట్రాల నుంచి బహిష్కరించాలని విద్యార్థులు డిమాండ్‌ చేశారు. చినజీయర్‌ స్వామి వివాదంలో చిక్కుకున్నారు. మేడారం వనదేవతలు సమక్క, సారలమ్మలపై గతంలో ఆయన చేసిన వ్యాఖ్యల తాలూకు ఓ వీడియో సామాజిక మాధ్యమాల్లో చక్కర్లు కొడుతోంది. ఆ వీడియోలో ఆయన మాట్లాడిన మాటలు వనదేవతలను అవమానించే విధంగా ఉన్నాయని, మేడారం జాతరను హేళన చేసే విధంగా ఉన్నాయని., భక్తుల విశ్వాసాలను, ఆదివాసీ సంస్కృతిని తూలనాడే విధంగా ఉన్నాయంటూ తీవ్ర విమర్శలు వ్యక్తమవుతున్నాయి.