Advertisement
Advertisement
Latest Telugu News
Advertisement

సర్వమంగళ – సంక్రాంతి కళ్యాణి

twitter-iconwatsapp-iconfb-icon

బంగరు తెలుగుతల్లి పచ్చని గుమ్మం ముంగిట

తెలుగు వెలుగుల రంగవల్లులు తళతళలాడ;

సమత–మమతల గొబ్బెమ్మలు ముద్దులొలుక

స్వర్ణరథంలో వస్తోంది ‘విశ్వకళ్యాణ సంక్రాంతిలక్ష్మి’!


బుడబుక్కలవాని డమరుక ధ్వనులు

హరిదాసుల భక్తి కీర్తన సుధల భువిరంజిల్ల;

‘సర్వేజనాః సుఖినోభవంతు!’ అని దీవిస్తూ

పసిడి పూల బాటలో – వస్తోంది – ‘రమ్యసౌభాగ్యలక్ష్మి’!


‘హరిః – ఓం – రంగహరి!’ అంటూ నాట్యమాడుతూ,

భక్తిగీతాలు పాడే – ‘హరిదాసు అక్షయపాత్ర’ను

‘అత్తా–కోడళ్ళు’ భక్తి దోసిళ్ళతో ధాన్యాలతో నింప–

‘శుభమస్తు’ అని దీవించుమో – ‘అష్టైశ్యర్వ మహాలక్ష్మి!’


‘శ్రీరస్తు – శుభమస్తు – జయోస్తు!’ అనే మూడున్నర –

కోట్ల – దేవతల దివ్యాశీస్సుల వెన్నెలలు –

నీ చల్లని చూపులతో ప్రసరిల్ల – భారతావనిలో –

స్వర్ణపథంలో విచ్చేయుచూ – ‘సంక్రాంతి మహాగౌరీ!’


అన్నదాతలైన రైతన్నలకు – భాగ్యాల పాలవెల్లివై,

సుకవి, పండిత – కళామూర్తుల కీర్తి కల్పవల్లివై,

తెలుగు నేల పసిడి వెలుగులీన – అడుగుమోపగ –

విచ్చేయుమమ్మా ‘సర్వమంగళ – సంక్రాంతి కళ్యాణి!’



– ‘కళ్యాణశ్రీ’ జంధ్యాల వేంకటరామశాస్ర్తి

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
Advertisement
OpinionPoll
Advertisement

ప్రత్యేకంLatest News in Telugu మరిన్ని...

Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.