Viral Video: అధ్యక్షుడు Joe Biden మళ్లీ అడ్డంగా దొరికేశారుగా..!
ABN , First Publish Date - 2022-07-09T18:00:52+05:30 IST
అగ్రరాజ్యం అమెరికా అధ్యక్షుడు జో బైడెన్ (Joe Biden) మరోసారి తడబడ్డారు.
వాషింగ్టన్: అగ్రరాజ్యం అమెరికా అధ్యక్షుడు జో బైడెన్ (Joe Biden) మరోసారి తడబడ్డారు. శుక్రవారం టెలివిజన్ ప్రసంగం సందర్భంగా ఈ సంఘటన జరిగింది. దీంతో మళ్లీ ఆయనకు సంబంధించిన వీడియో ఒకటి ప్రస్తుతం సోషల్ మీడియాలో వైరల్ అవుతోంది. నెటిజన్లు తమదైన శైలిలో స్పందిస్తున్నారు. అసలేం జరిగిందంటే.. సాధారణంగా నేతలు ప్రసంగాలకు టెలీప్రామ్టర్లు(Teleprompters) వాడుతుంటారని చాలా మందికి తెలుసు. అలా టెలీప్రామ్టర్లో చూస్తూ ప్రసంగించిన బైడెన్ అడ్డంగా దొరికిపోయారు. పొరపాటున టెలీప్రామ్టర్ సూచనను లైవ్లో చదివేశారు. 'రిపీట్ ది లైన్' (repeat the line) అనే సూచనను ఉన్నదిఉన్నట్టుగా లైవ్లో గట్టిగా చదివేశారు.
ఈ వీడియో కాస్తా బయటకు రావడంతో నెట్టింట వైరల్ అవుతోంది. దీనిపై నెటిజన్లు ట్రోల్స్ చేస్తున్నారు. ఇక బైడెన్ లైవ్లో తడబడటం ఇదే మొదటిసారి కాదు. గతంలో పలుమార్లు ఇలాగే జరిగింది. ఒకసారి మీడియా సమావేశంలో చేతిలో చిట్టితో దొరికిపోయారు. కొద్ది రోజుల క్రితం అమెరికా పేరును పలకడంలో కూడా ఆయన తడబడి వార్తల్లో నిలిచారు. అంతేగాక సమాన వేతన దినోత్సవం సందర్భంగా అధ్యక్షభవనం వైట్హౌస్లో(White House) ఏర్పాటు చేసిన ప్రత్యేక సమావేశంలోనూ అధ్యక్షుడు పొరబడ్డారు. ఉపాధ్యాక్షురాలు కమలా హ్యారిస్ను(Kamala Harris) ప్రథమ మహిళ అంటూ సంభోదించారు.