UK లో దారుణం.. 89 ఏళ్ల వయసున్న నాయనమ్మను దారుణంగా చంపేసిన భారత సంతతి వ్యక్తి.. పోలీసులు వచ్చే దాకా..

ఎన్నారై డెస్క్: లండన్‌లోని(UK) ఓ భారత సంతతి వ్యక్తిపై హత్యా నేరం కింద పోలీసు కేసు నమోదైంది. వేరుషన్ మనోహరన్‌ అనే యువకుడు తన నాయనమ్మను హత్య చేసి ఉంటాడని పోలీసులు భావిస్తున్నారు. కొద్ది రోజుల క్రితం ఈ దారుణం జరగ్గా పోలీసుల తాజాగా నిందితుడుపై హత్యా నేరం కింద కేసు దాఖలు చేశారు. ‘‘అసలు ఏం జరిగిందనే తెలుసుకునేందుకు దర్యాప్తు జరుపుతున్నట్టు పోలీసులు ఓ ప్రకటన విడుదల చేశారు. ఈ ఘటనకు సంబంధించిన వివరాలు ఏమైనా తెలిస్తే తమను సంప్రదించాలని సూచించారు. పోలీసుల కథనం ప్రకారం.. స్థానిక అంబులెన్స్ సర్వీసు సిబ్బంది మంగళవారం ఓ వృద్ధురాలు(89) కత్తిపోట్లతో కుప్పకూలిన విషయాన్ని పోలీసులకు సమాచారం అందించారు. వెంటనే ఘటనా స్థలానికి చేరుకున్న పోలీసులు అక్కడే ఉన్న మనోహరన్‌ను అరెస్టు చేశారు. ఈ దారుణం గురించి వృద్ధురాలి బంధువులకు సమాచారం అందించినట్టు పోలీసులు తెలిపారు. పోస్ట్ మార్టం నివేదిక ఆధారంగా తగు చర్యలు తీసుకుంటామన్నారు.