ఫ్రాన్స్‌ అధ్యక్షుడిపై ముస్లింల ఆగ్రహ జ్వాల
ABN , First Publish Date - 2020-11-01T10:04:32+05:30 IST
ముస్లింలపై, మహమ్మద్‌ ప్రవక్తపై ఫ్రాన్స్‌ అధ్యక్షుడు ఎమాన్యూయెల్‌ మాక్రాన్‌ చేసిన వ్యాఖ్యల పట్ల ప్రపంచ వ్యాప్తంగా ముస్లింలు భగ్గుమన్నారు.
హైదరాబాద్‌, అక్టోబరు 31: ముస్లింలపై, మహమ్మద్‌ ప్రవక్తపై ఫ్రాన్స్‌ అధ్యక్షుడు ఎమాన్యూయెల్‌ మాక్రాన్‌ చేసిన వ్యాఖ్యల పట్ల ప్రపంచ వ్యాప్తంగా ముస్లింలు భగ్గుమన్నారు. శుక్రవారం ప్రత్యేక ప్రార్థనల అనంతరం హైదరాబాద్‌, ముంబై, ఢిల్లీ సహా వివిధ దేశాల్లో ముస్లింలు నిరసన ప్రదర్శనలు నిర్వహించారు. ఫ్రాన్స్‌ అధ్యక్షుడు ముస్లిం ఫోబియాను వీడాలని డిమాండ్‌ చేశారు. పాకిస్థాన్‌, బంగ్లాదేశ్‌, ఈజిప్టు తదితర ఇస్లామిక్‌ దేశాల్లో ఫ్రాన్స్‌ రాయబార కార్యాలయాలపై దాడులకు ప్రయత్నించారు. ఈ సందర్భంగా ప్రాన్స్‌ అధ్యక్షుడు ఎమాన్యూయెల్‌ ఓ టీవీ చానెల్‌ ద్వారా స్పందిస్తూ.. ముస్లింల మనోభావాలను తాను అర్థం చేసుకుంటానని, అయితే కొందరు అరాచకానికి పాల్పడుతూ ఇస్లాంకు మచ్చ తెస్తున్నారని పేర్కొన్నారు.
