Abn logo
Sep 8 2021 @ 10:32AM

cricketers: దంపతుల విడాకులు...అజహరుద్దీన్ నుంచి శిఖర్ ధవన్ దాకా

అగ్రశ్రేణి భారత క్రికెటర్లలో మాజీ కెప్టెన్ ముహమ్మద్ అజహరుద్దీన్ నుంచి శిఖర్ ధవన్ దంపతుల దాకా ఐదుగురు క్రికెటర్లు వారి భార్యల నుంచి విడిపోయారు.

న్యూఢిల్లీ: ప్రముఖ క్రికెటర్ శిఖర్ ధవన్-ఆయేషా ముఖర్జీ దంపతులు తాజాగా విడాకులు తీసుకున్న ఘటనతో దేశంలో విడాకులు తీసుకున్నఅత్యున్నత క్రికెటర్ల సంఖ్య 5కు చేరింది. టీమిండియా వెటరన్‌ ఓపెనర్‌ శిఖర్‌ ధవన్‌ తో తన ఎనిమిదేళ్ల వైవాహిక జీవితానికి ముగింపు పలికినట్లు అతని భార్య, 46 ఏళ్ల ఆయేషా ముఖర్జీ తన ఇన్‌స్టాగ్రామ్‌లో తెలిపింది. భారత సంతతికి చెందిన మెల్‌బోర్న్‌ బాక్సర్‌ ఆయేషాను 35 ఏళ్ల ధవన్‌ 2012లో వివాహం చేసుకున్నాడు. ధవన్‌ను రెండో పెళ్లి చేసుకున్న ఆయేషాకు అంతకుముందే ఇద్దరు పిల్లలు ఉన్నారు. వారిని ధవన్‌ పెళ్లి సమయంలో దత్తత తీసుకున్నారు. ఇక ధవన్‌-ఆయేషా జోడీకి 2014లో ఒక మగబిడ్డ పుట్టాడు. అతడి పేరు జోరావర్‌ ధవన్‌.

అగ్రశ్రేణి భారత క్రికెటర్లలో ధవన్-ఆయేషా విడిపోవడం ఇదే మొదటిది కాదు. కొన్నేళ్లుగా భారత మాజీ కెప్టెన్ మొహమ్మద్ అజారుద్దీన్ నుంచి కోల్‌కతా నైట్ రైడర్స్ మాజీ కెప్టెన్ దినేష్ కార్తీక్ వరకు విడిపోయారు.హైదరాబాద్ నగరానికి చెందిన అజహరుద్దీన్ మొదట నౌరీన్ ను వివాహం చేసుకున్నాడు. వీరికి ఇద్దరు కుమారులున్నారు. అనంతరం నౌరీన్ కు విడాకులిచ్చిన అజహర్ బాలీవుడ్ నటి సంగీతా బిజ్లానీని వివాహం చేసుకున్నాడు.2010లో అజహర్ నుంచి సంగీతాబిజ్లానీ విడాకులు తీసుకున్నారు.

భారత మాజీ సౌత్‌పా వినోద్ కాంబ్లీ 1998 లో తన చిన్ననాటి స్నేహితురాలు నోయెల్లా లూయిస్‌ను వివాహం చేసుకున్నాడు. కానీ తర్వాత కొన్ని సమస్యల కారణంగా, అతను ఒక మాజీ మోడల్ ఆండ్రియా హెవిట్‌ను వివాహం చేసుకోవడానికి మొదటి భార్యకు విడాకులు ఇచ్చాడు.భారత మాజీ పేస్‌మ్యాన్ జవగల్ శ్రీనాథ్ జ్యోత్స్నను వివాహం చేసుకుని దాదాపు తొమ్మిదేళ్లయింది. ఈ జంట 1999 లో వివాహం చేసుకుంది. 2008 లో విడాకులు తీసుకున్న తర్వాత, ఇప్పుడు ఐసీసీ మ్యాచ్ రిఫరీగా ఉన్న శ్రీనాథ్, జర్నలిస్ట్ మాధవి పాత్రావలిని వివాహం చేసుకున్నారు.


భారత వికెట్ కీపర్ బ్యాట్స్‌మన్ దినేష్ కార్తీక్ తన చిన్ననాటి స్నేహితురాలు నికితా వంజారాను వివాహం చేసుకున్నాడు. 2012 లో, కార్తీక్ తన భార్యకు భారత ఓపెనర్ మురళీ విజయ్‌తో సంబంధం ఉందని తెలుసుకొని అతను ఆమెకు విడాకులు ఇచ్చాడు. 2015 లో కార్తీక్ ప్రముఖ స్క్వాష్ ప్లేయర్ దీపిక పల్లికల్‌ని వివాహం చేసుకున్నాడు.ఇలా తరచూ ప్రముఖ భారత క్రికెటర్లు విడాకులతో వార్తల్లోకి ఎక్కారు. 

క్రైమ్ మరిన్ని...