Independence day: భారత స్వాతంత్ర్య వజ్రోత్సవాలు.. ఫెడరేషన్ ఆఫ్ ఇండియన్ అసోసియేషన్స్ ఆధ్వర్యంలో భారీ ఏర్పాట్లు!

ఆగస్టు 21న రెండు గిన్నిస్ రికార్డులు నెలకొల్పేందుకు కూడా నిర్వాహకులు సమాయత్తమవుతున్నారు. అత్యధిక సంఖ్యలో జెండాలు, ఢమరుకాల ఏర్పాటుతో గిన్నిస్ ప్రపంచ రికార్డు కోసం ప్రయత్నించనున్నారు. ఇక అదే రోజున.. మాడిసన్ ఎవెన్యూ వద్ద ప్రపంచంలోనే అతిపెద్ద ‘ఇండియా డే పరేడ్’ నిర్వహించేందుకు భారతీయ సంఘాల ఫెడరేషన్..అన్ని ఏర్పాట్లు చేసింది. ఈ కార్యక్రమంలో పాన్ ఇండియా స్టార్ అల్లు అర్జున్ గ్రాడ్ మార్షల్‌గా వ్యవహరించనున్నారు. ఆజాదీకా అమృత్ మహోత్సవ్ పేరిట జరిగే ఈ వేడుకలకు ఆంటిగ్వా అండ్ బార్బుడా ప్రధాని హెచ్.ఈ గ్రేటన్ బ్రౌన్ ముుఖ్య అతిథిగా హాజరుకానున్నారు. న్యూయార్క్ గవర్నర్ కేతీ హొచల్, భారత సంతతికి చెందిన నాసా వ్యోమగామి రాజాచారి, ప్రముఖ సంగీత దర్శకుడు దేవీశ్రీ ప్రసాద్, ప్రముఖ గాయకుడు శంకర్ మహదేవన్ గౌరవ అతిథులుగా, మిస్ యూనివర్స్ హర్నాజ్ సంధూ ప్రత్యేక అతిథిగా పాల్గొననున్నారు.  ఈ వేడుకల్లో పెద్ద సంఖ్యలో పాల్గొని విజయవంతం చేయాలని నిర్వాహకులు ప్రవాసీయులను కోరారు.