యాక్సిస్ సెక్యూరిటీస్ చేతికి కార్వీ ట్రేడింగ్ ఖాతాలు
ABN , First Publish Date - 2021-03-06T06:38:03+05:30 IST
కార్వీ స్టాక్ బ్రోకింగ్కు చెందిన 11.5 లక్షల ట్రేడింగ్ ఖాతాలను యాక్సిస్ బ్యాంకుకు చెందిన యాక్సిస్ సెక్యూరిటీస్ చేజిక్కించుకుంది. ఖాతాల బదిలీలో ఖాతాదారులకు ఎటువంటి ఇబ్బందులు లేకుండా డిజిటల్ విధానాన్ని
హైదరాబాద్ (ఆంధ్రజ్యోతి బిజినెస్): కార్వీ స్టాక్ బ్రోకింగ్కు చెందిన 11.5 లక్షల ట్రేడింగ్ ఖాతాలను యాక్సిస్ బ్యాంకుకు చెందిన యాక్సిస్ సెక్యూరిటీస్ చేజిక్కించుకుంది. ఖాతాల బదిలీలో ఖాతాదారులకు ఎటువంటి ఇబ్బందులు లేకుండా డిజిటల్ విధానాన్ని అనుసరిస్తోంది. ఖాతాల బదిలీని ఎక్స్ఛేంజీలు ప్రారంభించాయి. ఈ ప్రక్రియ పూర్తయిన తర్వాత ఖాతాదారులకు లాగిన్ క్రెడెన్షియల్స్ వంటి అన్ని వివరాలను అందిస్తారు. షేర్లను యాక్సిస్ డీపీలోకి మార్చుకోవడానికి ఖాతాదారులు కొత్త డీమ్యాట్ ఖాతాను ప్రారంభించుకోవచ్చు. కొత్త ట్రేడింగ్ ఖాతాలతో యాక్సిస్ సెక్యూరిటీస్ మొత్తం ఖాతాలు 36 లక్షలకు చేరతాయి.