Advertisement
Advertisement
Latest Telugu News
Advertisement

మరో దేశంలోని ఖైదీతో ప్రేమ.. అతడిని కలిసేందుకు 7 వేల కిలోమీటర్ల ప్రయాణం.. నెటిజన్లను మురిపిస్తున్న లవ్ జర్నీ

twitter-iconwatsapp-iconfb-icon
మరో దేశంలోని ఖైదీతో ప్రేమ.. అతడిని కలిసేందుకు 7 వేల కిలోమీటర్ల ప్రయాణం.. నెటిజన్లను మురిపిస్తున్న లవ్ జర్నీ

ఇంటర్నెట్ డెస్క్: ఎప్పుడు, ఎవరితో ప్రేమలో పడతామో చెప్పడం అసాధ్యమని చాలా మంది చెబుతుంటారు. ఇందులోని నిజానిజాలు పక్కనపెడితే.. ఓ బ్రిటన్ మహిళ ప్రేమ కథ మాత్రం సరిగ్గా ఇలాంటిదే. అమెరికాలో ఉన్న ఖైదీతో ఆమె ప్రేమలోపడింది. అంతేకాదు..  అతడిని కలుసుకునేందుకు ఏకంగా 7 వేల కిలోమీటర్లు ప్రయాణించింది. ఇలాంటి సుదీర్ఘ ప్రేమయాత్ర చేసిన వనిత పేరు కేటీ..

కేటీ ప్రియుడు డానీ ప్రస్తుతం అమెరికాలోని ఓ జైల్లో ఉన్నాడు. అక్రమ ఆయుధాలు కలిగి ఉన్న నేరంపై అతడికి ఎనిమిదేళ్ల జైలు శిక్ష పడింది. ఇప్పటికే ఐదేళ్లు పూర్తయ్యాయి. కాగా..  ఖైదీలకు ఉత్తరాలు రాయాలంటూ ప్రజలను ప్రోత్సహించే ఓ వెబ్‌సైట్ ద్వారా కేటీ డానీలకు పరిచయం ఏర్పడింది. తొలుత వారి పరిచయం ఉత్తరాలకే పరిమితమయ్యింది. ఆ తరువాత.. వీడియో కాల్స్ కూడా చేసుకోవడం మొదలెట్టారు. ఈ క్రమంలో డానీపై కేటీ మనసు పారేసుకుంది. పీకల్లోతు ప్రేమలో కూరుకుపోయింది.

డానీని ఎట్టాగైన కలుసుకోవాలని ఓ నిర్ణయానికి వచ్చిన కేటీ ఇటీవలే దాదాపు 7 వేల కిలోమీటర్ల దూరం ప్రయాణించి డానీని కలుసుకుంది. జైల్లో వారు దాదాపు 4 గంటల పాటు మనసు విప్పి మాట్లాడుకున్నారు. ఈ క్రమంలో ఆమె డానీనే పెళ్లి చేసుకోవాలని నిర్ణయించుకుంది. తన జర్నీ వివరాలన్నీ కేటీ టిక్‌టాక్‌లో షేర్ చేసింది. ఇక నెటిజన్లు కూడా ఈ ప్రేమపక్షుల స్టోరీ విని మురిసిపోతున్నారు. వారికి ఆల్ ది బెస్ట్ అని చెబుతున్నారు. డానీ జైలు నుంచి ఎప్పుడు విడుదల అవుతాడా అనుకుంటూ కేటీ  ప్రస్తుతం అతడి కోసం ఎదురుచూస్తోంది. 

Advertisement
ABN Youtube Channels ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International

తాజా వార్తలుLatest News in Teluguమరిన్ని...

Advertisement
OpinionPoll
Advertisement
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.