Abn logo
Jun 18 2021 @ 16:13PM

కరోనా ఎఫెక్ట్... ‘ప్యాకేజీ’ కోసం డిమాండ్...

ముంబై : కరోనా సెకండ్ వేవ్ నేపధ్యంలో ఆయా వర్గాలు మరో ఉద్దీపన ప్యాకేజీని కోరుతున్నాయి. కరోనా ఫస్ట్ వేవ్ నుండి కోలుకునే సమయంలో సెకండ్ వేవ్ దారుణంగా దెబ్బతీసిందని, ఈ పరిస్థితుల్లో ఆర్థిక ప్యాకేజీ అవసరమని భారత పరిశ్రమల సమాఖ్య(సీఐఐ) పేర్కొంది. ఈ ఆర్థిక ప్యాకేజీ కనీసం రూ. 3 లక్షల కోట్లు ఉండాలని పేర్కొంది.


సీఐఐ కొత్త అధ్యక్షుడు టీవీ నరేంద్రన్ ఈ మేరకు పేర్కొన్నారు. ప్యాకేజీ లేకుంటే ఆర్థిక వ్యవస్థను వృద్ధి బాట పట్టించడం కష్టమన్నారు. జన్ ధన్ ఖాతాలకు నేరుగా నగదు బదలీ ద్వారా పేదలను ఆదుకోవాలని నరేంద్రన్ కోరారు. నిధుల లభ్యత పెంచడం ద్వారా ఆర్‌బీఐ కూడా ప్రభుత్వానికి సహకరించాలని సూచించారు.