Abn logo
Apr 19 2021 @ 04:14AM

ఆళ్వార్‌ తీర్థం పునరుద్ధరణ

తిరుపతి, ఏప్రిల్‌ 18  (ఆంధ్రజ్యోతి): అలిపిరి నుంచి తిరుమలకు వెళ్లే నడకదారిలో బయటపడిన పురాతనమైన ఆళ్వార్‌ తీర్థాన్ని రామానుజాచార్యుడి జయంతి సందర్భంగా పునరుద్ధరించే కార్యక్రమాన్ని మొదలుపెట్టారు. అలిపిరి నుంచి గాలిగోపురానికి సుమారు రెండువేల మెట్లు ఉంటే 950వ మెట్టు వద్ద ఈ ఆళ్వార్‌ తీర్థం ఉండటం విశేషం. చెన్నైకి చెందిన ప్రముఖ కంపెనీలో సాఫ్ట్‌వేర్‌ ఉద్యోగి తిరుమలలోని తీర్థాలను పరిశోధిస్తూ.. ఈ తీర్థం ఉనికిని తిరుమళీశై ఆళ్వార్‌ పాసురాల్లో చూశారు. ఆపై నడకదారిలో గుర్తించారు. తిరుపతిలోని ట్రెక్కర్స్‌కు విశిష్టతను వివరించారు.


ఈ నేపథ్యంలో దట్టమైన అడవిలో పెద్ద పెద్ద వృక్షాల మధ్య, రాతితో నిర్మితమైన శిథిల స్థితిలో ఉన్న ఆళ్వార్‌ తీర్థం పునరుద్ధరణ పనులను టీటీడీ అటవీశాఖ సహకారంతో ఆదివారం ప్రారంభించారు. ఈ కార్యక్రమంలో టీటీడీ డీఎ్‌ఫవో చంద్రశేఖర్‌ యాదవ్‌, రేంజర్లు ప్రభాకర్‌ రెడ్డి, శ్రీనివాసులుతోపాటు ట్రెక్కర్స్‌ అయిన శ్వేత మాజీ డైరెక్టర్‌ భూమన్‌, రాఘవశర్మ, శ్రీరాం, సుబ్బరాయుడు, శ్రీనివాస్‌, రాము తదితరులు పాల్గొన్నారు.

Advertisement
Advertisement
Advertisement