లాక్‌డౌన్‌ ఎత్తేశాక అనేక మంది పోలీసులకు కరోనా వచ్చింది: డీజీపీ
ABN , First Publish Date - 2020-07-06T00:04:29+05:30 IST
లాక్‌డౌన్‌ ఎత్తేశాక అనేక మంది పోలీసులకు కరోనా వచ్చిందని డీజీపీ సవాంగ్ తెలిపారు. కోవిడ్‌ యోధులైన పోలీసులు మరింత జాగ్రత్తగా ఉండాలని సూచించారు.
విశాఖ: లాక్‌డౌన్‌ ఎత్తేశాక అనేక మంది పోలీసులకు కరోనా వచ్చిందని డీజీపీ సవాంగ్ తెలిపారు. కోవిడ్‌ యోధులైన పోలీసులు మరింత జాగ్రత్తగా ఉండాలని సూచించారు. కరోనా నియంత్రణలో పాల్గొన్న విశాఖ పోలీసులను డీజీపీ అభినందించారు. విశాఖ జిల్లాల్లో తొలి 3 నెలల్లో 98 కరోనా కేసులే వచ్చాయని, కరోనా వ్యాప్తిని అరికట్టేందుకు పోలీసులు ఎంతో కృషి చేస్తున్నారని కొనియాడారు. ఇప్పటి వరకు 466 మంది పోలీసులకు కరోనా సోకిందని, అన్ని దశల్లో పోలీసులు ముందుంటారు కాబట్టే వైరస్‌ బారిన పడుతున్నారని సవాంగ్ చెప్పారు.
