Abn logo

పొటాటో ఫింగర్‌ చిప్స్‌

కావలసిన పదార్థాలు: బంగాళదుంపలు - 100 గ్రా., ఉప్పు - రుచికి సరిపడా, మిరియాల పొడి - అర టీ స్పూను, ఈస్ట్‌ పొడి - 3 గ్రా., గుడ్డు - 1, పాలు - 180 గ్రా., మైదా - 300 గ్రా., ఉల్లికాడలు (గ్రీన్‌) - ఒక కప్పు, నూనె - వేగించడానికి సరిపడా.
 
తయారుచేసే విధానం: బంగాళదుంపల తొక్క తీసి ముక్కలుగా తరిగి ఆవిరిపై ఉడికించి గుజ్జుగా చేయాలి. అందులో ఉప్పు, మిరియాలపొడి, ఈస్ట్‌పొడి, గుడ్డు, పాలు వేసి కలపాలి.
తర్వాత కొద్దికొద్దిగా మైదా వేస్తూ ఉండలు లేకుండా బాగా కలిపి ఒక గిన్నెలో వేసి మూతపెట్టి పక్కనుంచాలి. గంట తర్వాత అందులో ఉల్లికాడల తరుగు వేసి మరోసారి కలపాలి. ఈ మిశ్రమాన్ని ఒక దళసరి ప్లాస్టిక్‌ కవర్లో వేసి ముడివేయాలి. కవరు అడుగున కత్తెరతో వేలు మందం రంధ్రం చేయాలి. తర్వాత కవరును ఒత్తుతూ వేలు పొడవున మిశ్రమాన్ని నూనెలో జారవిడుస్తూ దోరగా వేగించాలి. ఇవి సాయంత్రం చిరుతిండిగా లేదా భోజనంలో సైడ్‌ డిష్‌గా బాగుంటాయి.

బేక్డ్‌ వెజ్‌ బ్రొకోలిపాలకూర కబాబ్స్‌పకోడికార్న్‌ కబాబ్‌గారెలుకార్న్‌ దోశపెసరపప్పు ఇడ్లీశొంఠి లడ్డూసెనగలు - పాలకూర సలాడ్‌కట్‌లెట్స్‌
Advertisement
d_article_rhs_ad_1
Advertisement