వంగలపూడి అనిత , పాయకరావుపేట (ఎస్సీ) నియోజకవర్గం, ఆంధ్రప్రదేశ్ ఎన్నికలు 2024

తెలుగుదేశం పార్టీ రాష్ట్ర మహిళా అధ్యక్షురాలిగా వంగలపూడి అనిత.. ఏపీ ప్రజలందరికీ సుపరిచతమే. అనతి కాలంలోనే అగ్రశ్రేణి నాయకురాలిగా ఎదిగారు. ఎంఏ, ఎంఈడీ పూర్తి చేసిన అనిత.. తెలుగుదేశం పార్టీతో తన పొలిటికల్ కెరీర్‌ను ప్రారంభించారు. 2014లో విశాఖపట్నం జిల్లాలోని పాయకరావుపేట నుంచి తొలిసారి ఎమ్మెల్యేగా పోటీ చేసిన అనిత.. తన ప్రత్యర్థి వైసీపీ నేత చెంగల వెంకటరావుపై 2,828 ఓట్ల మెజారిటీతో గెలిచింది. 2018లో తిరుమల తిరుపతి దేవస్థానం బోర్డు మెంబర్‌గా నియమితులయ్యారు. ఆ తరువాత 2019లో కొవ్వూరు నియోజకవర్గం నుంచి పోటీ చేసిన అనిత.. తన ప్రత్యర్థి, వైసీపీ నాయకురాలు తానేటి వనిత చేతిలో ఓటమిపాలయ్యారు. ఆ తరువాత అనితను రాష్ట్ర తెలుగు మహిళా అధ్యక్షురాలిగా నియమించారు. వ్యక్తిగత జీవితం.. వంగ‌ల‌పూడి అనిత 1984 జనవరి 1 న విశాఖపట్నం జిల్లాలోని ఎస్.రాయవరం మండలం లింగరాజుపాలెం గ్రామంలో జన్మించారు. ఆమె తండ్రి వంగలపూడి అప్పారావు. భర్త కే. శివ ప్రసాద్. అనిత 2009లో ఆంధ్ర యూనివర్సిటీ నుండి ఎం.ఏ, ఎం.ఈ.డి పూర్తి చేశారు.