ఆంధ్రప్రదేశ్‌లో రాజకీయ చైతన్యం కలిగిన నియోజకవర్గం పత్తి కొండ. కర్నూలు లోక్ సభ ఏడు నియోజకవర్గాల్లో పత్తికొండ ఒకటి. పత్తికొండ నియోజకవర్గంలో పత్తికొండ, తుగ్గలి, మద్దికేర, వెల్దుర్తి, కృష్ణగిరి మండలాలు ఉన్నాయి. ఇక్కడ 2 లక్షల 6 వేల 538 మంది ఓటర్లు ఉన్నారు. 1951 నియోజకవర్గ పునర్విభజన ప్రకారం పత్తికొండ ఏర్పడింది. పత్తికొండలో ఇక్కడ ఎస్వీ సుబ్బారెడ్డి, కేఈ కృష్ణమూర్తి కుటుంబాలదే ఆధిపత్యం కొనసాగుతోంది. పత్తికొండ నియోజకవర్గంలో కర్ణాటక సరిహద్దులో కొన్ని పల్లెలు ఉన్నాయి. ఇక్కడ భౌగోలిక పరిస్థితి, సంస్కృతి, సంప్రదాయాలు భిన్నంగా ఉంటాయి. పత్తికొండలో ఆశించిన స్థాయిలో అభివృద్ధి జరగలేదు.