చింతకాయల అయ్యన్నపాత్రుడు , నర్సీపట్నం నియోజకవర్గం, ఆంధ్రప్రదేశ్ ఎన్నికలు 2024

చింతకాయల అయ్యన్నపాత్రుడు.. ఆంధ్రప్రదేశ్‌లో సీనియర్ రాజకీయ నాయకుడు. 1957 సెప్టెంబర్ 4వ తేదీన విశాఖపట్నంలోని నర్సీపట్నంలో ఆయన జన్మించారు. మొదటి నుంచి టీడీపీ విధేయుడిగా ఉన్న ఆయన.. 1983-1989, 1994-1996, 1999-2009, 2014లో ఆరు పర్యాయాలు ఆ పార్టీ తరఫున నర్సీపట్నం నియోజకవర్గం నుంచి శాసనసభ్యులుగా ఎన్నికయ్యారు. 1996లో 11వ లోక్ సభకు జరిగిన ఎన్నికల్లో టీడీపీ తరఫున అనకాపల్లి లోక్‌సభ సభ్యునిగా ఎన్నికయ్యారు.

మంత్రిగా..

అయ్యన్నపాత్రుడు 1994-96లో రహదారులు, భవనాల శాఖా మంత్రిగా పని చేశారు. 1999లో టీడీపీ అధికారంలోకి వచ్చాక అటవీశాఖ మంత్రిగా బాధ్యతలు నిర్వర్తించారు. 2009లో ఓటమిపాలైన అయ్యన్నపాత్రుడు.. 2014 ఎన్నికల్లో విజయం సాధించి చంద్రబాబు మంత్రివర్గంలో పనిచేశారు. 2019 ఎన్నికల్లో వైసీపీ అభ్యర్థి పెట్ల ఉమా శంకర్ గణేష్ చేతిలో అయ్యన్నపాత్రుడు ఓడిపోయారు. ఈ ఎన్నికల్లో మరోసారి నర్సీపట్నం నుంచి పోటీచేస్తున్నారు.