ఉమ్మడి కర్నూలు జిల్లాలో గల ప్రముఖ నియోజకవర్గం నందికొట్కూరు. పేరుకు ఎస్సీ నియోజకవర్గం అయినప్పటికీ రెడ్ల ఆధిపత్యం ఉంటుంది. బైరెడ్డి, గౌరు కుటుంబాల ఆధిపత్యం స్పష్టంగా కనిపిస్తోంది. నంద్యాల లోక్ సభ పరిధిలో గల ఏడు అసెంబ్లీ నియోజకవర్గాల్లో నందికొట్కూరు ఒకటి. 1951 నియోజకవర్గాల పునర్విభజన ప్రకారం నందికొట్కూరు నియోజకవర్గం ఏర్పడింది. 2009 వరకు జనరల్ నియోజకవర్గంగా ఉండేది. నియోజకవర్గాల పునర్విభజనతో ఎస్సీ నియోజకవర్గంగా మారింది. నందికొట్కూరు నియోజకవర్గంలో లక్ష 97 వేల 451 మంది ఓటర్లు ఉన్నారు. నందికొట్కూరు నియోజకవర్గంలో పగిడ్యాల, మిడ్డూరు, జే బంగ్లా, కొత్తపల్లె, పాములపాడు, మిడ్డూరు మండలాలు ఉన్నాయి.