ఆర్కే రోజా , నగరి నియోజకవర్గం, ఆంధ్రప్రదేశ్ ఎన్నికలు 2024

రోజా సెల్వమణి.. ఆమె అసలు పేరు శ్రీలతా రెడ్డి. 1972 నవంబర్ 17న జన్మించిన ఆమె.. తెలుగు, తమిళం, కన్నడ, మలయాళం భాషల్లో 200కి పైగా సినిమాల్లో నటించారు. 1998లో టీడీపీలో చేరి రాజకీయాల్లో అడుగుపెట్టారు. ఆ పార్టీ తరఫున 2004, 2009 అసెంబ్లీ ఎన్నికల్లో నగరి, చంద్రగిరి నియోజకవర్గాల నుంచి పోటీ చేశారు. అయితే.. ఆ రెండు ఎన్నికల్లోనూ ఓడిపోయారు. 2009లో కాంగ్రెస్‌ పార్టీలో చేరిన ఆమె.. ఆ తర్వాత చోటు చేసుకున్న కొన్ని పరిణామాల కారణంగా వైసీపీలో చేరారు. ఆ పార్టీ తరఫున 2014, 2019 ఎన్నికల్లో నగరి నియోజకవర్గం నుంచి పోటీ చేసి గెలుపొందారు. 2022 ఏప్రిల్ 11న జరిగిన మంత్రివర్గ పునర్‌వ్యవస్థీకరణలో భాగంగా.. వైఎస్ జగన్‌మోహన్ రెడ్డి మంత్రివర్గంలో మంత్రిగా ప్రమాణస్వీకారం చేశారు.