మైలవరం ఆంధ్రప్రదేశ్ శాసనసభకు ప్రతినిధులను ఎన్నుకునే ఎన్టీఆర్ జిల్లాలోని ఒక నియోజకవర్గం. విజయవాడ లోక్‌సభ నియోజకవర్గం పరిధిలోకి వస్తుంది. 2019 ఆంధ్రప్రదేశ్ శాసనసభ ఎన్నికల్లో వైసీపీ నుంచి గెలిచిన వసంత వెంకట కృష్ణప్రసాద్ ప్రస్తుత ఎమ్మెల్యేగా కొనసాగుతున్నారు. మైలవరం నియోజకవర్గంలో మొత్తం 2,80,536 మంది ఓటర్లు ఉన్నారు. డిలిమిటేషన్ ఆర్డర్స్ ప్రకారం 1955లో ఈ నియోజకవర్గం ఏర్పాటైంది. మైలవరం నియోజకవర్గం పరిధిలో ఇబ్రహీంపట్నం, జి. కొండూరు, మైలవరం, రెడ్డిగూడెం, విజయవాడ రూరల్ మండలాలు ఉన్నాయి.