రాయలసీమలోని శ్రీసత్య సాయి జిల్లాలో ఉన్న అసెంబ్లీ నియోజకవర్గాల్లో మడకశిర శాసన సభా స్థానం ఒకటి. ఇది ఎస్సీ రిజర్వడ్ నియోజకవర్గం. ఈ శాసన సభ నియోజకవర్గం హిందూపూర్ లోక్‌సభ పరిధిలోకి వస్తుంది. వైఎస్సార్ కాంగ్రెస్ పార్టీకి చెందిన ఎమ్.తిప్పేస్వామి ప్రస్తుతం ఈ నియోజకవర్గానికి ప్రాతినిధ్యం వహిస్తున్నారు. ఈ నియోజకవర్గం 1951లో ఏర్పాటైంది. ఈ నియోజక వర్గంలో మొత్తం ఓటర్ల సంఖ్య 2,01,824. మడకశిర, అమరాపురం, గుదిబండ, రొల్ల, అగలి మొదలైన ప్రాంతాలు ఈ నియోజకవర్గం పరిధిలోకి వస్తాయి. ఈ నియోజక వర్గం ఏర్పాటైన తొలి పర్యాయంలో అంటే 1952లో స్వతంత్ర అభ్యర్థి అయిన సిద్ధన్న గౌడ్ గెలుపొందారు.