గుడివాడ అమర్నాథ్ , గాజువాక నియోజకవర్గం, ఆంధ్రప్రదేశ్ ఎన్నికలు 2024

గుడివాడ అమర్నాథ్.. ఆంధ్రప్రదేశ్‌కు చెందిన ఒక రాజకీయ నాయకుడు. ఆయన 1985 జనవరి 22వ తేదీన విశాఖపట్నంలోని అనకాపల్లిలో జన్మించారు. అమర్నాథ్ తండ్రి గుడివాడ గురునాథరావు కూడా ఒక రాజకీయ నాయకుడే. ఆయన ఉమ్మడి ఆంధ్రప్రదేశ్ రాష్ట్రంలో కాంగ్రెస్ పార్టీ తరఫున మంత్రిగా, ఎంపీగా, ఎమ్మెల్యేగా బాధ్యతలు నిర్వర్తించారు. తండ్రి మరణానంతరం గుడివాడ అమర్నాథ్, ఆయన తల్లి నాగమణి కాంగ్రెస్ పార్టీని వీడి.. తెలుగుదేశం పార్టీలో చేరారు. అనంతరం 2014 మార్చిలో టీడీపీని వీడి.. వైఎస్ఆర్ కాంగ్రెస్ పార్టీలో చేరారు. 2014లో ఓటమిపాలైన ఆయన.. 2019 ఎన్నికల్లో అనకాపల్లి అసెంబ్లీ నియోజకవర్గం నుంచి వైసీపీ తరఫున పోటీ చేసి, శాసనసభ సభ్యునిగా ఎన్నికయ్యారు. 2022 ఏప్రిల్ 11వ తేదీన జరిగిన మంత్రివర్గ పునర్‌వ్యవస్థీకరణలో భాగంగా.. వైఎస్ జగన్‌మోహన్ రెడ్డి మంత్రివర్గంలో పరిశ్రమల శాఖ మంత్రిగా ప్రమాణ స్వీకారం చేశారు.