బంగిన్ పల్లి మామిడి కాయలు ఫేమస్. ఆ పేరు మీద బనగానపల్లి అసెంబ్లీ నియోజకవర్గానికి పేరు వచ్చింది. బనగానపల్లి పక్కనే ఉన్న కోయిలకుంట్లను ట్విన్ టౌన్స్‌గా పిలుస్తారు. బనగానపల్లెలో రెడ్డి, శెట్టి, బలిజ, ముస్లిం మైనార్టీ వర్గాల వారు ఎక్కువగా ఉంటారు. ఆ సామాజిక వర్గాల ఓట్లే ఎన్నికలో కీలకం కానున్నాయి. బనగానపల్లెలో 2 లక్షల 33 వేల 290 మంది ఓటర్లు ఉన్నారు. బనగానపల్లె నియోజకవర్గంలో బనగాన పల్లె, కోయిలకుంట్ల, అవుకు, సంజామాల, కొలిమిగుండ మండలాలు ఉన్నాయి. ప్రపంచంలో అతిపెద్ద గుహల్లో ఒక్కటైన బెలూం గుహలు బనగానపల్లెలో ఉన్నాయి.