పత్తికొండలో మెజార్టీ 70 శాతం మంది బలహీన వర్గాలకు చెందిన వారు ఉంటారు. అభ్యర్థి విజయంలో ఆ సామాజిక వర్గం ప్రభావం చూపుతుంది. పత్తికొండ ఫ్యాక్షన్ రాజకీయాలు ఎక్కువ. 1979 నుంచి 2017 వరకు ఫ్యాక్షన్ పాలిటిక్స్ ఎక్కువగా జరిగాయి. ఇప్పుడిప్పుడే పరిస్థితి సద్దుమణిగింది. నియోజకవర్గంలో ఆశించిన స్థాయిలో మాత్రం అభివృద్ది జరగలేదు. అందుకు రకరకాల కారణాలు ఉన్నాయి. మారుమూల ప్రాంతం కావడం, రాజకీయ నేతలు అంతగా పట్టించుకోలేదు. దాంతో పత్తికొండ నియోజకవర్గం అభివృద్ధికి ఆమడదూరంలో ఉంది.