ట్రైనీ ఐపీఎస్ ఆత్మహత్యాయత్నం కేసు.. సూసైడ్ నోట్‌లో సంచలన విషయాలు..

హైదరాబాద్, జులై 20: దేశవ్యాప్తంగా తీవ్ర కలకలం సృష్టించిన ట్రైనీ ఐపీఎస్ అధికారి ఉదయ్ కృష్ణా రెడ్డి ఆత్మహత్యాయత్నం కేసులో సరికొత్త సంచలన విషయాలు వెలుగులోకి వచ్చాయి. సూసైడ్ నోట్ ఇప్పుడు ఈ కేసులో అత్యంత కీలకంగా మారింది. ఆయన రాసిన లేఖలోని అంశాలు విస్మయానికి గురిచేస్తున్నాయి.

సూసైడ్ నోట్‌లోని సంచలన అంశాలు:

తోటి బ్యాచ్‌మేట్‌తో రిలేషన్: తాను ఒకే బ్యాచ్‌కు చెందిన తోటి ఐపీఎస్ అధికారితో ఏడాది కాలంగా రిలేషన్‌షిప్‌లో ఉన్నట్లు ఉదయ్ కృష్ణా రెడ్డి తన సూసైడ్ నోట్‌లో పేర్కొన్నారు.

పెళ్లి తర్వాత కూడా కొనసాగిన బంధం: సదరు మహిళా అధికారికి వివాహం జరిగిన తర్వాత కూడా తమ మధ్య ఈ సంబంధం కొనసాగిందని లేఖలో వెల్లడించారు. అంతేకాకుండా, ఆమె తనంతట తానే తన గదికి వచ్చేదని ఆయన స్పష్టం చేశారు.

ఆధారాలన్నీ ఫోన్‌లోనే: సదరు మహిళా అధికారితో ఉన్న సంబంధానికి సంబంధించి తన వద్ద అన్ని రకాల వీడియోలు, కీలక ఆధారాలు ఉన్నాయని ఉదయ్ కృష్ణా రెడ్డి లేఖలో పేర్కొన్నారు. ఈ కేసు విచారణకు అవసరమైన పూర్తి సాక్ష్యాలు తన మొబైల్ ఫోన్‌లోనే భద్రంగా ఉన్నాయని వెల్లడించారు.

భర్తకు తెలిపిన ఉదయ్ కృష్ణ: తోటి బ్యాచ్ మేట్‌తో తనకు ఉన్న రిలేషన్ గురించిన పూర్తి నిజాన్ని ఆమె భర్తకు కూడా తాను స్వయంగా తెలియజేశానని సూసైడ్ నోట్‌లో రాశారు.

ఆ నలుగురే కారణం: ఈ వ్యవహారంలో తన మరణానికి మరో నలుగురు వ్యక్తులు ప్రధాన కారణమని ఉదయ్ కృష్ణా రెడ్డి లేఖలో ఆరోపణలు చేశారు. అయితే ఆ నలుగురు ఎవరు అనే కోణంలో పోలీసులు దర్యాప్తును ముమ్మరం చేశారు.

దర్యాప్తు ముమ్మరం చేసిన పోలీసులు

సూసైడ్ నోట్ లభ్యమవడంతో ఈ కేసు ఒక్కసారిగా అనూహ్య మలుపు తిరిగింది. లేఖలో ఉదయ్ కృష్ణా రెడ్డి ప్రస్తావించిన డిజిటల్ ఆధారాల కోసం పోలీసులు ఆయన మొబైల్ ఫోన్‌ను స్వాధీనం చేసుకుని ఫోరెన్సిక్ ల్యాబ్‌కు పంపినట్లు సమాచారం. లేఖలో పేర్కొన్న ఆ నలుగురు వ్యక్తులు ఎవరు? వారి నుంచి ఉదయ్ కృష్ణ ఏవైనా ఒత్తిడి లేదా బెదిరింపులు ఎదుర్కొన్నారా? అనే కోణంలో పోలీసులు లోతుగా విచారణ జరుపుతున్నారు.

Also Read:

ఫ్రిజ్ లేకుండానే టమోటాలు ఎక్కువ రోజులు తాజాగా ఉండాలా?

ఈ తేదీల్లో పుట్టినవారిది రాజసమైన వ్యక్తిత్వం..!