రేపు ఖమ్మంలో జనసేన శంఖారావం

తెలంగాణలో ప్రత్యామ్నాయం జనసేననే: గడల శ్రీనివాసరావు

ఖమ్మం, సెప్టెంబరు 11 (ఆంధ్రజ్యోతి ప్రతినిధి): తెలంగాణలో జనసేన పార్టీని బలోపేతం చేసే ప్రక్రియలో భాగంగా ఆదివారం ఖమ్మం గడ్డపై జనసేన ఉమ్మడి ఖమ్మంజిల్లా శంఖారావ సభ నిర్వహిస్తున్నట్లు జనసేన నేత, నల్లగొండ, వరంగల్‌, ఖమ్మం పట్టభద్రుల నియోజకవర్గ ఎమ్మెల్సీ అభ్యర్థి గడల శ్రీనివాసరావు తెలిపారు. ఈ సభకు ఉమ్మడి జిల్లా నుంచే కాకుండా రాష్ట్రంలోని అన్ని జిల్లాలకు చెందిన 2 వేల మంది ప్రతినిధులు హాజరవుతున్నారని చెప్పారు. తెలంగాణలో అధికార కాంగ్రెస్‌, ప్రతిపక్ష బీఆర్‌ఎస్‌లకు ప్రత్యామ్నాయంగా జనసేన విస్తరించబోతుందన్నారు.