మేకలు మేపేందుకు అడవిలోకి వెళ్లి..

• రెండు రోజుల తర్వాత డ్రోన్‌ సాయంతో గుర్తించి.. రక్షించిన పోలీసులు

కోయిలకొండ, సెప్టెంబరు 10 (ఆంధ్రజ్యోతి): మేకలను అడవికి తోలుకెళ్లిన కాపరి రెండు రోజుల పాటు చిట్టడవిలో చిక్కుకుపోయి.. చివరకు పోలీసుల సహాయంతో బయటపడ్డాడు. ఈ ఘటన మహబూ బ్‌నగర్‌ జిల్లా కోయిలకొండ మండలం ఆచార్యపూర్‌లో చోటు చేసు కుంది. మండలంలోని ఆచార్యపూర్‌ గ్రామానికి చెందిన జాజలి కృష్ణయ్య ఈ నెల 8వ తేదీ వీరగట్టు వెనుక ఉన్న అటవీ ప్రాంతానికి మేకలను మేత కోసం తీసుకెళ్లాడు. అయితే అడవి నుంచి మేకలు ఇంటికి వచ్చా యి కానీ కృష్ణయ్య మాత్రం రాలేదు. దీంతో కుటుంబ సభ్యులు ఆందోళన చెందారు. చివరకు గ్రామస్థుల సాయంతో అడవిలో వెతికినా ఆయన జాడ కనిపించలేదు. 9వ తేదీన కృ ష్ణయ్య తల్లి జాజలి మంగమ్మ.. కోయిలకొండ పోలీసులకు ఫిర్యాదు చే సింది.

ఎస్పీ జానకి ఆదేశాలతో అదనపు పోలీసులు గురువారం అడవిలో డ్రోన్‌ సహాయంతో కృష్ణయ్య ఆచూకీ కొనుగొన్నారు. చివరకుడ్రోన్‌ సాయంతో శింగనకొండ నుంచి కృష్ణయ్య గ్రామానికి చేరుకున్నాడు. అడవిలో నీరు తాగుతూ రెండు రోజులు గడిపానని కృష్ణయ్య తెలిపాడు. రెండు రోజుల నుంచి కనిపించకుండా పోయిన కృష్ణయ్య ఇంటికి వచ్చే సరికి కుటుంబ సభ్యులు సంతోషం వ్యక్తం చేశారు.