పోలీస్‌ అమరుల త్యాగాలు వెలకట్టలేనివి
ABN , Publish Date - Oct 27 , 2026 | 12:43 AM
దేశ అంతర్గత భద్రత, శాంతి భద్రతల పరిరక్షణకు ప్రాణాలర్పించిన పోలీస్‌ అమరుల త్యాగం వెలక్టలేనిది ఎమ్మెల్యే మేడిపల్లి సత్యం, సీపీ గౌస్‌ ఆలం అన్నారు.
గంగాధర, అక్టోబరు 26 (ఆంధ్రజ్యోతి): దేశ అంతర్గత భద్రత, శాంతి భద్రతల పరిరక్షణకు ప్రాణాలర్పించిన పోలీస్‌ అమరుల త్యాగం వెలక్టలేనిది ఎమ్మెల్యే మేడిపల్లి సత్యం, సీపీ గౌస్‌ ఆలం అన్నారు. గంగాధరలో పోలీస్‌ సంస్మరణ వారోత్సవాలు సోమవారం నిర్వహించారు. ఈ సందర్భగా గంగాధరకు చెందిన పోలీస్‌ అమరుడు గుజ్జెటి మహేష్‌ విగ్రహం వద్ద నివాళులర్పించారు. ఆయన కుటుంబసభ్యులను సన్మానించారు. పోలీస్‌స్టేషన్‌లో విద్యార్థులకు ఓపెన్‌ హౌస్‌ నిర్వహించారు. అనంతరం ఏర్పాటు చేసిన సమావేశంలో ఎమ్మెల్యే మేడిపల్లి సత్యం మాట్లాడుతూ సమాజ రక్షణ కోసం ప్రాణాలను పణంగా పెట్టే పోలీసుల సేవలు చిరస్మరణీయమన్నారు. సీపీ గౌస్‌ ఆలం మాట్లాడుతూ పోలీస్‌ అమరుల కుటుంబాలకు పోలీస్‌ శాఖ ఎల్లవేళలా అండగా ఉంటుందన్నారు. కార్యక్రమంలో ఏసీపీ రూరల్‌ విజయకుమార్‌, చొప్పదండి సీఐ ప్రదీప్‌కుమార్‌, ఎస్సైలు వంశీకృష్ణ, రాజ్‌కుమార్‌, రాజు పాల్గొన్నారు.