Karimnagar: రంగవల్లుల పోటీలకు రారండి
ABN , Publish Date - Jan 02 , 2026 | 11:50 PM
కరీంనగర్ కల్చరల్, జనవరి 2 (ఆంధ్రజ్యోతి): సంక్రాంతి పండుగ సందర్భంగా సంస్కృతీ సాంప్రదాయాలకు అద్దం పట్టే విధంగా ఆదివారం ఉదయం 10 గంటల నుంచి కరీంనగర్ భగత్నగర్ వివేకానంద విద్యానికేతన్ హైస్కూల్ వేదికగా ఆంధ్రజ్యోతి-ఏబీఎన్ ముత్యాల ముగ్గుల పోటీలు నిర్వహించనుంది.
- రేపు ‘ఆంధ్రజ్యోతి- ఏబీఎన్’ ఆధ్వర్యంలో ముత్యాల ముగ్గుల పోటీలు
- వివేకానంద విద్యానికేతన్ హైస్కూల్ ఏర్పాట్లు..
- ఉదయం 10 గంటల నుంచి పోటీలు
- విజేతలకు ప్రథమ, ద్వితీయ, తృతీయ బహుమతులు
కరీంనగర్ కల్చరల్, జనవరి 2 (ఆంధ్రజ్యోతి): సంక్రాంతి పండుగ సందర్భంగా సంస్కృతీ సాంప్రదాయాలకు అద్దం పట్టే విధంగా ఆదివారం ఉదయం 10 గంటల నుంచి కరీంనగర్ భగత్నగర్ వివేకానంద విద్యానికేతన్ హైస్కూల్ వేదికగా ఆంధ్రజ్యోతి-ఏబీఎన్ ముత్యాల ముగ్గుల పోటీలు నిర్వహించనుంది. ఆంధ్రజ్యోతి, ఏబీఎన్ నిర్వహిస్తున్న సంతూర్ ముత్యాల ముగ్గుల పోటీలు... పవర్డ్ బై: సన్ఫీస్ట్ మ్యాజిక్ మామ్స్ బిస్కెట్, టేస్ట్ పార్టనర్ స్వస్తిక్ మసాలా, ప్రేయర్ పార్టనర్ పరిమళ్ మందిర్ భారత్వాసి అగరబత్తీ ఆధ్వర్యంలో జరిగే పోటీలకు మహిళలు, యువతల నుంచి ఆహ్వానం పలుకుతుంది. షాలినీ హాస్పిటల్ ఈ పోటీలకు స్థానిక స్పాన్సర్గా వ్యవహరిస్తోంది. ఈ పోటీల్లో ప్రథమ బహుమతి కింద ఆరు వేలు, ద్వితీయ బహుమతి కింద నాలుగు వేలు, తృతీయ బహుమతి కింద మూడువేల రూపాయలతో పాటు కన్సోలేషన్, పార్టిసిపేషన్ బహుమతులను అందజేయనున్నారు. పోటీల నిబంధనలు ఇలా ఉన్నాయి. పోటీల్లో మహిళలు మాత్రమే పాల్గొనాలి. చుక్కల ముగ్గులు మాత్రమే చేతితో వేయాలి. పరికరాలు వాడరాదు. జల్లెడ మాత్రం వాడవచ్చు. ముగ్గు, రంగులు, పువ్వులు ఇతరత్రా సామాగ్రి పోటీదారులే తెచ్చుకోవాలి. ముగ్గులో ఎన్ని చుక్కలు, ఎన్ని వరుసలో చెప్పగలిగి ఉండాలి. ముగ్గు వేయడానికి గరిష్ట సమయం రెండు గంటలు. గొబ్బెమ్మలు, బతుకమ్మ వంటివి తప్ప ఇతర వస్తువులు ఎక్కువగా అలంకరించవద్దు. గొట్టాలు, బద్దలు వాడొద్దు. వాడితే మార్కులు కట్ అవుతాయి. ఇళ్ల నుంచి కళశాలు, అందమైన ఇతర వస్తువులు తీసుకవచ్చి, అమర్చి వాటి చుట్టూ నామమాత్రంగా ముగ్గు వేయడం సరికాదు. దీనికి కూడా మార్క్లు కట్ అవుతాయి. ముగ్గు అదనపు అందానికే వస్తువులను వాడాలి తప్ప ఇతర వస్తువులు ప్రాధాన్యం కాకూడదు. పోటీల్లో పాల్గొనేవారు ఇతర వివరాలకు, పేర్ల నమోదుకు 9985406308, 9985456222 నంబర్లలో సంప్రదించవచ్చు.
