బద్ధకం వదిలేదెలా?

ఏ పని మీదా శ్రద్ద లేకుండా బద్దకంగా అనిపించినప్పుడు ఈ చిట్కాలు పాటిస్తే సరి...

• రెండు నిమిషాల కంటే తక్కువ సమయం పట్టే పనులను వాయిదా వేయకుండా వెంటనే పూర్తిచేయాలి. దీంతో బద్ధకం వదిలిపోతుంది.

• ఏ పనీ చేయాలనిపించనప్పుడు మనసులో అయిదు అంకెలను లెక్కబెట్టాలి. ఇలా రెండు మూడుసార్లు చేస్తే మనసు మారి పని పూర్తి చేయాలనిపిస్తుంది.

• ఉదయం లేదా సాయంత్రాల్లో స్ట్రెచింగ్‌ వ్యాయామాలు చేస్తుంటే శరీరంలో రక్తప్రసరణ మెరుగుపడి, ఉత్సాహంగా అనిపిస్తుంది.

• ఇంటి పని, ఆఫీసు పని తదితరాలను పూర్తి చేయడానికి నిర్దిష్ట సమయాన్ని కేటాయించుకోవాలి. దీంతో సమయానికి పని పూర్తిచేయాలనే భావన కలిగి బద్ధకం తగ్గుతుంది.

• గంటకోసారి కొద్దిగా మంచినీటిని తాగుతూ ఉంటే నీరసం తగ్గుతుంది. రోజూ పోషకాహారం తీసుకుంటుంటే శరీరానికి కావాల్సిన శక్తి లభిస్తుంది. దీంతో ఉత్సాహం పెరిగి పని త్వరగా పూర్తి చేయాలనిపిస్తుంది.

• ఏదైనా పని చేస్తున్నప్పుడు అరగంటకోసారి తప్పనిసరిగా విరామం తీసుకోవాలి. దీనివల్ల పెద్ద పనులు కూడా చిన్న భాగాలుగా మారి త్వరగా పూర్తిచేయవచ్చన్న భావనను కలిగిస్తాయి. బద్ధకం దరిచేరదు.

• రోజుకి కనీసం ఎనిమిది గంటల నిద్ర ఉండేలా చూసుకోవాలి. రోజూ ఒకే సమయానికి పడుకోవడం, నిద్రలేవడం అలవాటు చేసుకుంటే రోజంతా ఉత్సాహంగా ఉండవచ్చు.

Also Read:

తులసి ఆకులు నమిలితే కిడ్నీ స్టోన్స్ కరిగిపోతాయా?

ఈ డ్రై ఫ్రూట్స్‌ను మితంగా తినాలి.. ఎక్కువగా తింటే డేంజర్