కాలేయ శుద్ధి ఎందుకు?

మీకు తెలుసా?

‘డిటాక్స్‌’ అనే మాట మనమీ మధ్య తరచూ వింటున్నాం. ఈ పేరుతో కూడిన ఖరీదైన పౌడర్లు, పానీయాలు విస్తృతంగా దొరుకుతున్నాయి. ఇంతకూ కాలేయానికి డిటాక్స్‌ అవసరమా?

మన శరీరంలో మలినాలను శుద్ధి చేసి, తొలగించే పని కాలేయానిదే! అలాంటి కాలేయాన్ని శుద్ధి చేయవలసిన అవసరం లేదు. ఎందుకంటే.... మన కాలేయం రసాయన శుద్ధి కర్మాగారం లాంటిది. ఇది పదార్థాలు, ఔషధాల విష తత్వాన్ని తగ్గించి, శరీరం నుంచి సులభంగా తొలగించడానికి వీలుగా కొవ్వులో కరిగే ఆ విషాలను నీటిలో కరగడానికి తగ్గట్టు మారుస్తుంది. కాలేయాన్ని శుద్ధి చేస్తాయని ప్రకటించుకునే డిటాక్స్‌ టీలు, సప్లిమెంట్లు, నిజానికి అలాంటి యంత్రాంగాన్ని కలిగి ఉండవు. కాలేయ ఎంజైమ్‌ పనితీరును నేరుగా ప్రభావితం చేయగలిగితే తప్ప, ఈ ఉత్పత్తులేవీ అవి చెప్పుకుంటున్న ప్రభావాన్ని ఏమాత్రం కనబరచలేవు. ఒక ప్రత్యేకమైన టీ తాగినంత మాత్రాన, మన కాలేయం అకస్మాత్తుగా మరింత ప్రభావవంతంగా విషాలను హరించదు. అది ముందు నుంచే వారంలో ఏడు రోజులు, రోజులో 24 గంటలూ రక్తాన్ని శుద్ధి చేస్తూ, వ్యర్థాలను శరీరం నుంచి తొలగిస్తూ ఉంటుంది. కాబట్టి కాలేయాన్ని శుద్ధి చేసే డిటాక్స్‌ టీలు, పౌడర్లు, సప్లిమెంట్ల ప్రచారాలను నమ్మకండి.

ఈ వార్తలనూ చదవండి:

యూఏఈ అణువిద్యుత్ కేంద్రంపై డ్రోన్ దాడి.. ఖండించిన భారత్

త్వరపడండి.. లేకపోతే మీకేమీ మిగలదు.. ఇరాన్‌కు ట్రంప్ వార్నింగ్