గౌన్స్ గమ్మత్తు
ABN , Publish Date - Jul 15 , 2026 | 05:29 AM
సాయంకాల వేడుకల్లో ధరించడానికి అనువైన దుస్తులు..
ఫ్యాషన్
సాయంకాల వేడుకల్లో ధరించడానికి అనువైన దుస్తులు..
ఈవినింగ్ గౌన్స్! పుట్టినరోజులు, రిసెప్షన్స్ లాంటి వేడుకల్లో ఈ గౌన్స్ను ధరిస్తే, సెంటర్ ఆఫ్ అట్రాక్షన్గా నిలవడం ఖాయం!
పలురకాల డిజైన్లలో...
మెరిసే సెక్విన్లు, అందమైన ఎంబ్రాయిడరీలు, మైమరిపించే మోటిఫ్స్... ఇలా ఈవినింగ్ గౌన్స్లో ఇలాంటి హంగులకు ఏమాత్రం కొదవ ఉండదు. మెటీరియల్ మొదలు, స్టిచింగ్ వరకూ వినూత్నంగా ఆకట్టుకునే అంశాలెన్నో ఈ గౌన్లలో ఉంటాయి. విలాసవంతమైన పార్టీలు మొదలు, సన్నిహితులతో జరుపుకునే చిన్నపాటి వేడుకల వరకూ ఎలాంటి సందర్భానికైనా ఈ గౌన్లు బ్రహ్మాండంగా సూటవుతాయి. స్లిట్ స్టైల్, ఎ లైన్ కట్ స్టిచ్... ఎలాంటి స్టైల్ గౌన్ను ఎంచుకున్నా ప్రత్యేకత ఉట్టిపడేలా ఉండాలంటే, ఒడ్డు పొడవుకు నప్పే లాంగ్ గౌన్ ఎంచుకోవాలి.
భిన్నమైన మెటీరియల్స్తో...
జార్జెట్, క్రేప్, షిఫాన్... ఇలా లాంగ్ గౌన్స్ ఎన్నో రకాల మెటీరియల్స్తో తయారవుతూ ఉంటాయి. లేయర్డ్ గౌన్స్ బుట్టబొమ్మలా కనిపించేలా చేస్తాయి కాబట్టి పీలగా ఉండే వాళ్లు వీటిని ఎంచుకోవచ్చు. పియర్ షేప్ శరీరాకృతి కలిగిన వాళ్లు, షిఫాన్, జార్జెట్ మెటీరియల్తో తయారైన లాంగ్ గైన్స్ ఎంచుకోవచ్చు. నాజూకుగా కనిపించడం కోసం నలుపు రంగు మెటీరియల్స్ ఎంచుకోవాలి.
యాక్సెసరీస్ ఇలా...
బోట్ నెక్ లాంగ్ గౌన్స్ వేసుకున్నప్పుడు చోకర్, హ్యాంగింగ్స్ పెట్టుకోవాలి. లో నెక్ లాంగ్ గౌన్స్కు, నెక్లెస్ సూటవుతుంది. చేతికి బ్రేస్లెట్, ట్రెండీ పర్స్ బాగుంటాయి. కచ్చితంగా హైహీల్స్ వేసుకోవాలి. కిటెన్ హీల్స్, ఫ్లాట్స్ లాంగ్ గౌన్స్కు ఏమాత్రం సూట్ కావు.
ఈ వార్తలు కూడా చదవండి
తిరుగుబాటు ఎంపీలకు శివసేన ( (UBT) లీగల్ నోటీసులు
రామ్ మందిర్ సీఈఓ రేసులో మాజీ ఐపీఎస్ అధికారి అమితాబ్ ఠాకూర్!
