జిడ్డు వేధిస్తోందా..?

జిడ్డు చర్మం ఉన్నవారికి ముఖంపై మొటిమలు, మచ్చలు ఎక్కువగా వస్తూ ఉంటాయి. వీటివల్ల ముఖ వర్చస్సు పాడవుతుంది. అలాకాకుండా ముఖంపై జిడ్డును తొలగించే చిట్కాలివే..!

• తేనె లేదంటే చల్లటి పాలను ముఖానికి అప్లయ్‌ చేసుకుని పావుగంట తరువాత మంచినీటితో శుభ్రం చేసుకోవాలి. ఇలా రోజూ చేస్తూ ఉంటే జిడ్డుకు కారణమైన సెబమ్‌ ఉత్పత్తి తగ్గుతుంది.

• రాత్రి పడుకునేముందు పలుచని రుమాలులో ఐస్‌క్యూబ్‌ను చుట్టి దానితో ముఖంపై సున్నితంగా రుద్దినా ఫలితం కనిపిస్తుంది.

• చిన్న గిన్నెలో గుడ్డులోని తెల్ల సొన, చెంచా నిమ్మరసం వేసి బాగా కలపాలి. ఈ మిశ్రమాన్ని చూపుడు వేలితో కొద్దికొద్దిగా తీసుకుంటూ ముఖమంతా రాయాలి. పది నిమిషాల తరువాత గోరువెచ్చని నీటితో శుభ్రం చేసుకుంటే జిడ్డు పూర్తిగా తొలగిపోతుంది. ముఖం తాజాగా కనిపిస్తుంది.

• జిడ్డుగా ఉందంటూ పదేపదే సబ్బు లేదా ఫేస్‌వా్‌షతో ముఖాన్ని కడుక్కోకూడదు. రోజుకు మూడుసార్లు ముఖంపై మంచినీటిని చిలకరించుకుని మెత్తటి టవల్‌తో అద్దుకుంటే చాలు.