ఆప్ కార్యాలయం అడ్రసుతో 58 డొల్ల కంపెనీలు
ABN , Publish Date - Sep 23 , 2026 | 05:35 AM
న్యూఢిల్లీలోని తమ పార్టీ జాతీయ ప్రధాన కార్యాలయం చిరునామాపై గుర్తు తెలియని 58 డొల్ల కంపెనీలు నమోదయినట్టు మంగళవారం ఆమ్ ఆద్మీ పార్టీ (ఆప్) ఆరోపించింది.
బీజేపీ కుట్రేనని పోలీసులకు ఫిర్యాదు
న్యూఢిల్లీ, సెప్టెంబరు 22: న్యూఢిల్లీలోని తమ పార్టీ జాతీయ ప్రధాన కార్యాలయం చిరునామాపై గుర్తు తెలియని 58 డొల్ల కంపెనీలు నమోదయినట్టు మంగళవారం ఆమ్ ఆద్మీ పార్టీ (ఆప్) ఆరోపించింది. నెంబరు-1 కానింగ్ లేన్ అడ్రసుపై ఈ ఏడాది జూలై నుంచి సెప్టెంబరు మధ్య కాలంలో ఈ కంపెనీలు రిజిస్టరయినట్టు ఆప్ ఢిల్లీ శాఖ అధ్యక్షుడు సౌరభ్ భరద్వాజ్ ఆరోపించారు. దీనిపై పోలీసులు, జీఎస్టీ ప్రిన్సిపల్ కమిషనర్లకు ఫిర్యాదు చేసినట్టు చెప్పారు. వచ్చే ఫిబ్రవరిలో జరిగే అసెంబ్లీ ఎన్నికల్లో తమపై దుష్ప్రచా రం చేసేందుకు బీజేపీయే ఈ కుట్ర పన్నిందన్నారు.