ఐస్క్రీం తింటూ గిన్నిస్ రికార్డు
ABN , Publish Date - Jan 22 , 2026 | 04:11 AM
ఒకే సమయంలో 4,008 మంది చిన్నారులు ఐస్క్రీమ్ తిని గిన్నిస్ ప్రపంచ రికార్డు నెలకొల్పారు. హట్సన్ ఆగ్రో ప్రొడక్ట్స్....
ఒకే సమయంలో ఆరగించిన 4వేలకుపైగా చిన్నారులు
ఒకే సమయంలో 4,008 మంది చిన్నారులు ఐస్క్రీమ్ తిని గిన్నిస్ ప్రపంచ రికార్డు నెలకొల్పారు. హట్సన్ ఆగ్రో ప్రొడక్ట్స్ లిమిటెడ్కు చెందిన ‘అరు ణ్ ఐస్క్రీమ్’ ఆధ్వర్యంలో బుధవారం చెన్నైలో ఈ కార్యక్రమాన్ని నిర్వహిచారు. వివిధ పాఠశాలలకు చెందిన విద్యార్థులను పలు వరుసల్లో నిలబెట్టి, వారికి బటర్ స్కాచ్, చాకొలెట్ ఫ్లేవర్ జాలి ట్రైన్, పాలతో కూడిన ఐస్క్రీమ్లను అందించారు. వారంతా ఒకే సమయంలో ఒక నిమిషంపాటు ఐస్క్రీమ్ను సేవించారు. ఈ కార్యక్రమాన్ని గిన్నిన్ ప్రతినిధులు రిచర్డ్ విలియం స్టెన్నింగ్(యూకే), మిలింద్ వెర్లేకర్(పుణే) అధికారికంగా గుర్తించారు. హట్సన్ ఆగ్రో ప్రొడక్ట్స్ లిమిటెడ్ వైస్ చైర్మన్ సి.సత్యన్కు సర్టిఫికెట్ను అందజేశారు.
