జ్ఞాపకాలు–అనుభవాలు

జీవితంలో ఎంతోమంది వస్తుంటారు, వెళ్లిపోతుంటారు. కొందరు జ్ఞాపకాలను మిగులుస్తారు, మరికొందరు అనుభవాలను అందిస్తారు. జ్ఞాపకాలు మసకబారవచ్చు కానీ అనుభవాలు మాత్రం మన ఆలోచనలు, నిర్ణయాలు, వ్యక్తిత్వంపై శాశ్వత ముద్ర వేస్తాయి. ఒక వ్యక్తి మన జీవితంలో ఎంతకాలం ఉన్నారన్నదాని కంటే, వారి నుంచి మనం ఏమి నేర్చుకున్నామన్నదే ముఖ్యం. జ్ఞాపకాలు మనల్ని కొన్నిసార్లు భావోద్వేగానికి గురిచేస్తాయి. అనుభవాలు మాత్రం మనల్ని పరిణతి చెందిన వ్యక్తులుగా మారుస్తాయి. మనుషులను అర్థం చేసుకునే తీరు, సంబంధాలను చూసే దృష్టి, నిర్ణయాలు తీసుకునే విధానం అనుభవాల వల్లే వస్తాయి. అవి ప్రతి వ్యక్తిని, పరిస్థితిని వివేకంతో అర్థం చేసుకోవడం నేర్పిస్తాయి. జీవితంలో ప్రతి పరిచయం ఒక పాఠం. ప్రతి మార్పు ఒక కొత్త అవగాహన. ఉపాధ్యాయుడు పుస్తకాల ద్వారా నేర్పిస్తే జీవితం మాత్రం మనుషులు, పరిస్థితులు, అనుభవాల ద్వారా పాఠాలు నేర్పుతుంది. అందుకే జరిగిన ప్రతి సంఘటనను ఒక అనుభవంగా చూడగలిగితే మనం గతంలో చిక్కుకోం, భవిష్యత్తుకు సిద్ధమవుతాం. జ్ఞాపకాలు కాలంతో మసకబారుతాయి, అనుభవాలు కాలంతో పరిణతి చెందుతాయి. మనుషులు ఇచ్చే జ్ఞాపకాలకన్నా వాళ్లు పంచే అనుభవాలే మన భవిష్యత్తును నిర్మించే సంపద.

కొత్త శ్రీనివాస్

ఇవి కూడా చదవండి..

విద్యార్థులపై కేసులు ఉండవు.. హామీపై కట్టుబడి ఉన్నాం: సుప్రీంకోర్టుకు కేంద్రం వివరణ

బరువు తగ్గడం కోసం ప్రమాదకర ప్రయత్నం.. టీలో ఆ ద్రవాన్ని కలిపి తాగితే..