పిచ్చికుక్క స్వైర విహారం
ABN , Publish Date - Nov 14 , 2026 | 12:37 AM
మండలంలోని కందిశ గ్రామంలో శుక్రవారం ఉదయం పిచ్చికుక్క స్వైర విహారం చేసింది.
ఆరుగురికి గాయాలు
రేగిడి, నవంబరు 13(ఆంధ్రజ్యోతి): మండలంలోని కందిశ గ్రామంలో శుక్రవారం ఉదయం పిచ్చికుక్క స్వైర విహారం చేసింది. దొరికిన వారిని దొరికినట్టు దాడిచేసి గాయపరిచిం ది. ఈ ఘటనలో డోల సూర్యనారాయణ, మెరుగుల వైకుంఠ రావు, డోల గౌరినాయుడు, ఎద్దు పెంటయ్య, రౌతు నారాయ ణమ్మ, శాసపు నారాయణమ్మలు గాయపడ్డారు. నాగావళి నదికి వెళ్లే సమయంలో ఓ ఇద్దరిని ఈ కుక్క వెంబడించి.. గాయపరిచింది. అనంతరం ఊర్లోకి వెళ్లి నలుగురిపై దాడి చేసింది. వీరిలో వైకుంఠరావు, డోల సూర్యనారాయణ, ఎద్దు పెంటయ్యలకు తీవ్ర గాయాలయ్యాయి. వీరిని రాజాం ఆసుపత్రికి తరలించి వైద్య సహాయం అందించారు. గాయపరిచిన కుక్కను గ్రామస్థులు ముకుమ్మడిగా పట్టుకుని హతమార్చారు.