జనరేటర్లో జుట్టు ఇరుక్కుపోయి..
ABN , Publish Date - Apr 05 , 2026 | 12:16 AM
దత్తి గ్రామంలో వేంకటేశ్వరస్వామి ఆల య వార్షికోత్సవంలో భాగంగా శుక్రవారం రాత్రి నిర్వహించిన ఊరేగింపులో అప శృతి చోటుచేసుకుంది.
దత్తిరాజేరు, ఏప్రిల్ 4(ఆంధ్రజ్యోతి): దత్తి గ్రామంలో వేంకటేశ్వరస్వామి ఆల య వార్షికోత్సవంలో భాగంగా శుక్రవారం రాత్రి నిర్వహించిన ఊరేగింపులో అప శృతి చోటుచేసుకుంది. ఊరేగింపులో లైటింగ్ కోసం జనరేటర్ ఏర్పాటుచేశారు. అయితే అదే గ్రామానికి చెందిన తరిని మాధురి అనే మహిళ ఆ జనరేటర్ పక్కగా వెళ్లేందుకు ప్రయత్నించారు. ఈక్రమంలో ఆమె జుట్టు జనరేటర్లోకి ఇరు క్కుపోయింది. ఈ ప్రమాదంలో ఆమె జుట్టుతోపాటు తలపై చర్మం ఊడి వచ్చిం ది. తీవ్రంగా గాయపడిన ఆమెను వెంటనే గ్రామస్థులు విశాఖలోని ఒక ప్రైవేటు ఆసుపత్రికి తరలించారు. శస్త్రచికిత్స నిర్వహించారు. మహిళ పరిస్థితి ప్రస్తుతం నిలకడగానే ఉందని తెలిపారు. దీంతో అంతా ఊపిరిపీల్చుకున్నారు.
