Chakratheertha నేత్రపర్వం.. చక్రతీర్థ స్నానం
ABN , Publish Date - Feb 15 , 2026 | 12:24 AM
A Visual Spectacle: Chakratheertha Holy Dip శివరాత్రి ఉత్సవాల సందర్భంగా భామినిలో శనివారం ఉమాలింగేశ్వరస్వామి చక్రతీర్థ స్నానాన్ని వైభవంగా నిర్వహించారు. తొలుత ఆలయంలో స్వామి వారికి విశేష పూజలు, అభిషేకాలు చేశారు.
భామిని, ఫిబ్రవరి14(ఆంధ్రజ్యోతి): శివరాత్రి ఉత్సవాల సందర్భంగా భామినిలో శనివారం ఉమాలింగేశ్వరస్వామి చక్రతీర్థ స్నానాన్ని వైభవంగా నిర్వహించారు. తొలుత ఆలయంలో స్వామి వారికి విశేష పూజలు, అభిషేకాలు చేశారు. అనంతరం ఉత్సవమూర్తులను పల్లకిలో వేంచేయించి భక్తజనం నడుమ గ్రామంలో శోభాయాత్ర నిర్వహించారు. ఈ యాత్రలో పెద్ద ప్రజలు పాల్గొనడంతో అంతటా శివనామస్మరణ మార్మోగింది. వేద మంత్రాలు, మంగళ వాయిద్యాల మధ్య ఉత్సవమూర్తులను నదీతీరానికి చేర్చి చక్రతీర్థ స్నానం చేయించారు. ఈ క్రమంలో భక్తులు కూడా నదిలో స్నానాలు ఆచరించి పులకించిపోయారు. యువత రంగులు పూసుకుని.. హోలీ ఆడుతూ, నృత్యాలతో సందడి చేశారు. అనంతరం ఆలయంలో శివపార్వతుల కల్యాణం, అన్న సమారాధన నిర్వహించారు.
