శరవేగంగా బ్లడ్‌బ్యాంకు భవన నిర్మాణం
ABN , Publish Date - Oct 02 , 2026 | 12:27 AM
అరకులోయ ప్రాంతీయ ఆస్పత్రి ప్రాంగణంలో డిప్యూటి సీఎం పవన్‌కల్యాణ్‌ సొంత నిధులు సుమారు రూ.కోటి వ్యయంతో నిర్మిస్తున్న బ్లడ్‌బ్యాంకు భవన నిర్మాణ పనులు శరవేగంగా జరుగుతున్నాయి.
- డిప్యూటీ సీఎం పవన్‌కల్యాణ్‌ సొంత నిధులతో పనులు
- బీఎస్‌ఆర్‌ చారిటబుల్‌ ట్రస్ట్‌ నిర్వాహకుల పర్యవేక్షణ
అరకులోయ, అక్టోబరు 1 (ఆంధ్రజ్యోతి): అరకులోయ ప్రాంతీయ ఆస్పత్రి ప్రాంగణంలో డిప్యూటి సీఎం పవన్‌కల్యాణ్‌ సొంత నిధులు సుమారు రూ.కోటి వ్యయంతో నిర్మిస్తున్న బ్లడ్‌బ్యాంకు భవన నిర్మాణ పనులు శరవేగంగా జరుగుతున్నాయి. ఈ నిర్మాణ పనులను బెంగళూరుకు చెందిన బీఎస్‌ఆర్‌ చారిటబుల్‌ ట్రస్ట్‌ నిర్వాహకులు పర్యవేక్షిస్తున్నారు. ప్రస్తుతం బేస్‌మెంట్‌ పనులు పూర్తి చేయడంతో పాటు పిల్లర్లు నిర్మిస్తున్నారు. ఈ పనులు మూడు రోజుల్లో పూర్తి చేసి శ్లాబ్‌ వేసేందుకు డెక్కింగ్‌ పనులు చేపడతామని పనులను పర్యవేక్షిస్తున్న ట్రస్ట్‌ ప్రతినిధులు శివ, రమేశ్‌ తెలిపారు. నాణ్యత విషయంలో రాజీ పడకుండా పనులు చేయిస్తున్నామన్నారు. ఈ భవన నిర్మాణ పనులు వచ్చే ఏడాది మార్చి నాటికి పూర్తవుతాయని వారు తెలిపారు.