డోజ్కోకు జనవరి 12న శంకుస్థాపన
ABN , Publish Date - Nov 14 , 2026 | 01:04 AM
మండలంలోని రాచపల్లి రెవెన్యూ పరిధి ఎరకన్నపాలెంలో డోజ్కో కంపెనీ నిర్మాణ పనులకు జనవరి 12వ తేదీన మంత్రి నారా లోకేశ్‌ శంకుస్థాపన చేయనున్నారు. ఈ నేపథ్యంలో కంపెనీ ప్రతినిధులతోపాటు రష్యాకు చెందిన నిర్మాణ నిపుణుల బృందం శుక్రవారం ఇక్కడకు వచ్చి కంపెనీకి కేటాయించిన భూములను పరిశీలించారు.
భూమి పూజకు హాజరుకానున్న మంత్రి నారా లోకేశ్‌
మాకవరపాలెం, నవంబరు 13 (ఆంధ్రజ్యోతి): మండలంలోని రాచపల్లి రెవెన్యూ పరిధి ఎరకన్నపాలెంలో డోజ్కో కంపెనీ నిర్మాణ పనులకు జనవరి 12వ తేదీన మంత్రి నారా లోకేశ్‌ శంకుస్థాపన చేయనున్నారు. ఈ నేపథ్యంలో కంపెనీ ప్రతినిధులతోపాటు రష్యాకు చెందిన నిర్మాణ నిపుణుల బృందం శుక్రవారం ఇక్కడకు వచ్చి కంపెనీకి కేటాయించిన భూములను పరిశీలించారు. రాచపల్లి రెవెన్యూ 737 సర్వే నంబరులో 150 ఎకరాలను ప్రభుత్వం ఈ కంపెనీకి కేటాయించిన విషయం తెలిసిందే. సుమారు రూ.1,256 కోట్ల పెట్టుబడితో ఎర్త్‌మూవర్‌ యంత్రాలు, విడిభాగాల తయారీ యూనిట్‌ను నెలకొల్పనున్నారు. మొదటి దశలో 1,400 మందికి, రెండో దశలో 2,000 మందికి ఉద్యోగాలు లభిస్తాయని వారు తెలిపారు.