21 అభివృద్ధి పనులకు అటవీ అనుమతులు
ABN , Publish Date - Oct 31 , 2026 | 11:08 PM
జిల్లాలో 21 అభివృద్ధి పనులకు సంబంధించిన అటవీ అనుమతుల మంజూరు ప్రతిపాదనలకు జిల్లా అధికారులు ఆమోదం తెలిపారు.
16 రోడ్లు, ఐదు సెల్‌టవర్లు, అంగన్‌వాడీ భవనాలకు ప్రతిపాదనలు
జిల్లా కలెక్టర్‌ ఆధ్వర్యంలో జరిగిన సమావేశంలో ఆమోదించిన అధికారులు
పాడేరు, అక్టోబరు 31(ఆంధ్రజ్యోతి):
జిల్లాలో 21 అభివృద్ధి పనులకు సంబంధించిన అటవీ అనుమతుల మంజూరు ప్రతిపాదనలకు జిల్లా అధికారులు ఆమోదం తెలిపారు. శనివారం కలెక్టరేట్‌లో జిల్లా కలెక్టర్‌ టి.నిషాంతి ఆధ్వర్యంలో జిల్లాస్థాయి కమిటీ ప్రత్యేక సమావేశాన్ని నిర్వహించారు. ఈ సందర్భంగా జిల్లాలో రోడ్లు, సెల్‌ టవర్లు, అంగన్‌వాడీ కేంద్రాలు, తదితర 21 అభివృద్ధి పనులు చేపట్టేందుకు అటవీ అనుమతులపై చర్చించారు. ఈ ప్రతిపాదనల్లో 16 రోడ్లు, ఐదు సెల్‌ టవర్లు, అంగన్‌వాడీ భవనాలకు సంబంధించిన ప్రతిపాదనలను అధికారులు ఆమోదించారు. ఈ కార్యక్రమంలో ఐటీడీఏ పీవో ఆదిత్యవర్మ, సబ్‌కలెక్టర్‌ కె.సాహిత్‌, పంచాయతీరాజ్‌(పాజెక్ట్సు) ఈఈ రామకృష్ణారావు, పంచాయతీరాజ్‌ శాఖ ఈఈ టి.కొండయ్యపడాల్‌, ఆర్‌అండ్‌బీ ఈఈ విద్యాసాగర్‌, కలెక్టరేట్‌ డీటీ పోలరాజు, తదితరులు పాల్గొన్నారు.