ప్రపంచ చాంపియన్షిప్ పోటీల్లో దైవజ్ఞ ప్రతిభ
ABN , Publish Date - May 20 , 2026 | 12:02 AM
మలేషియా రాఽజధాని కౌలాలంపూర్లో మంగళవారం నిర్వహించిన ప్రపంచ యోగా చాంపియన్షిప్ పోటీల్లో స్థానిక పతంజలి యోగా కేంద్రం విద్యార్థిని ముత్యాల దైవజ్ఞ ద్వితీయ స్థానంలో నిలిచి రజత పతకం సాధించింది.
యోగాలో రజత పతకం
చోడవరం, మే 19 (ఆంధ్రజ్యోతి): మలేషియా రాఽజధాని కౌలాలంపూర్లో మంగళవారం నిర్వహించిన ప్రపంచ యోగా చాంపియన్షిప్ పోటీల్లో స్థానిక పతంజలి యోగా కేంద్రం విద్యార్థిని ముత్యాల దైవజ్ఞ ద్వితీయ స్థానంలో నిలిచి రజత పతకం సాధించింది. ఈ నెల 16 నుంచి 19 వరకు కౌలాలంపూర్లో ప్రపంచ యోగా చాంపియన్షిన్ పోటీలు నిర్వహిస్తుండగా, మంగళవారం జరిగిన ఫైనల్ పోటీల్లో 6 నుంచి 10 ఏళ్ల విభాగంలో పాల్గొన్న దైవజ్ఞ కుక్కుటాసనం, టిట్టిబ ఆసనం, గండభేరుండ వంటి కష్టతరమైన ఆసనాలు ప్రదర్శించి రెండవ స్థానంలో నిలిచింది. ఆ బాలికను పతంజలి యోగా కేంద్రం వ్యవస్థాపకుడు పుల్లేటి సతీశ్, కేంద్రం చైర్మన్ పసుమర్తి అశోక్, డాక్టర్ బంగారుకృష్ణ, తదితరులు అభినందించారు.
