ఆస్తి పన్ను చెల్లింపుపై నేటి వరకే రాయితీ

బకాయిదారులకు వడ్డీపై 50 శాతం

ప్రస్తుత ఆర్థిక సంవత్సరం

పన్నుపై ఐదు శాతం రిబేటు

విశాఖపట్నం, ఏప్రిల్‌ 29 (ఆంధ్రజ్యోతి):

జీవీఎంసీ పరిధిలోని ఆస్తి పన్ను చెల్లింపుదారులకు బకాయిలపై వడ్డీ మాఫీ, ప్రస్తుత ఆర్థిక సంవత్సరంలో పన్ను చెల్లింపుపై రాయితీ పొందడానికి గురువారం ఆఖరు రోజని కమిషనర్‌ కేతన్‌గార్గ్‌ తెలిపారు. జీవీఎంసీ పరిధిలో 2025-26 ఆర్థిక సంవత్సరానికి ఆస్తి పన్ను, కొళాయి చార్జీల కింద రూ.620 కోట్లు వసూలు చేశామన్నారు. ఇంకా వివిధ కారణాలతో ఆస్తి పన్ను చెల్లించనివారు ఆ మొత్తాన్ని ఒకేసారి చెల్లించేస్తే వడ్డీపై 50 శాతం మాఫీ చేసేందుకు ప్రభుత్వం అవకాశం కల్పించిందన్నారు. అలాగే 2026-27 ఆర్థిక సంవత్సరానికి సంబంధించిన ఆస్తి పన్నును ఒకేసారి చెల్లించేవారికి ఐదు శాతం రాయితీ కల్పించిందన్నారు. ఏప్రిల్‌ 30వ తేదీలోగా చెల్లింపులు జరిపేవారికే ఈ అవకాశం కల్పించిందన్నారు. బకాయిదారులు, పన్ను చెల్లింపుదారులు గురువారం పన్ను చెల్లించి ప్రభుత్వం కల్పించిన రాయితీ అవకాశాన్ని సద్వినియోగం చేసుకోవాలని కోరారు.