అడివిదున్న హల్‌చల్‌
ABN , Publish Date - Nov 03 , 2026 | 12:50 AM
చింతాలమ్మఘాట్‌ రోడ్డులో సోమవారం మధ్యాహ్నం అడవిదున్న హల్‌చల్‌ చేసింది.
చింతాలమ్మఘాట్‌లో కొంతసేపు వాహనాల రాకపోకలకు అంతరాయం
కొయ్యూరు, నవంబరు 2(ఆంధ్రజ్యోతి): చింతాలమ్మఘాట్‌ రోడ్డులో సోమవారం మధ్యాహ్నం అడవిదున్న హల్‌చల్‌ చేసింది. కృష్ణాదేవిపేట నుంచి కొయ్యూరు, రాజమహేంద్రవరం, తదితర ప్రాంతాలకు వెళ్లే జాతీయ రహదారి 516-ఈ మధ్యలో గల చింతాలమ్మఘాట్‌ రోడ్డులో కొండచరియలు విరిగిపడిన రెండవ మలుపు వద్ద అడవిదున్న తిరుగాడింది. ఆ సమయంలో అటుగా వచ్చే వాహనాలను అడ్డుకునే ప్రయత్నం చేసింది. నర్సీపట్నం నుంచి రాజమహేంద్రవరం వెళ్లే బస్సు కొద్దిసేపు నిలిచిపోయింది. ప్రయాణికులు బిగ్గరగా కేకలు వేయడంతో అడవిదున్న భయాందోళనకు గురై కిత్తలోవ వైపు కొండ ఎక్కింది. దీంతో రాకపోకలు సజావుగా సాగాయి.