శరవేగంగా అరకు రైల్వే స్టేషన్ పనులు
ABN , Publish Date - Jun 09 , 2026 | 11:13 PM
అరకులోయ నూతన రైల్వే స్టేషన్ నిర్మాణ పనులు శరవేగంగా జరుగుతున్నాయి. రైల్వే స్టేషన్ భవన నిర్మాణం దాదాపు పూర్తయింది. సీలింగ్, ఫ్లోరింగ్ పనులు జోరుగా సాగుతున్నాయి.
అరకులోయ, జూన్ 9 (ఆంధ్రజ్యోతి): అరకులోయ నూతన రైల్వే స్టేషన్ నిర్మాణ పనులు శరవేగంగా జరుగుతున్నాయి. రైల్వే స్టేషన్ భవన నిర్మాణం దాదాపు పూర్తయింది. సీలింగ్, ఫ్లోరింగ్ పనులు జోరుగా సాగుతున్నాయి. ఈ ఏడాది డిసెంబరు నాటికి దీనిని అందుబాటులోకి తీసుకురావాలనే లక్ష్యంతో పనులు చేపడుతున్నారు. కేంద్ర ప్రభుత్వం అమృత్ భారత్ రైల్వే స్టేషన్ల అభివృద్ధిలో భాగంగా అరకులోయ రైల్వే స్టేషన్ నిర్మాణానికి గత ఏడాది రూ.14 కోట్లు మంజూరు చేసిన విషయం తెలిసిందే. ఈ నిధులతో పనులను వేగవంతం చేశారు. ఫుట్ఓవర్ బ్రిడ్జి నిర్మాణం దాదాపు పూర్తయింది. ప్రస్తుతం ఇంటీరియర్ పనులు జోరుగా సాగుతున్నాయి.
