పక్కాగా జనగణన
ABN , Publish Date - Nov 11 , 2026 | 11:30 PM
జిల్లాలో జనగణన ప్రక్రియను పక్కాగా నిర్వహించాలని సిబ్బందిని కలెక్టర్‌ టి.నిషాంతి ఆదేశించారు. జనగణనపై నిర్వహించే మూడు రోజుల శిక్షణ కార్యక్రమాన్ని కలెక్టరేట్‌లో బుధవారం ప్రారంభించారు.
సిబ్బందికి కలెక్టర్‌ టి.నిషాంతి ఆదేశం
పాడేరు, నవంబరు 11(ఆంధ్రజ్యోతి): జిల్లాలో జనగణన ప్రక్రియను పక్కాగా నిర్వహించాలని సిబ్బందిని కలెక్టర్‌ టి.నిషాంతి ఆదేశించారు. జనగణనపై నిర్వహించే మూడు రోజుల శిక్షణ కార్యక్రమాన్ని కలెక్టరేట్‌లో బుధవారం ప్రారంభించారు. ఈ కార్యక్రమంలో ఆమె ముఖ్యఅతిథిగా పాల్గొని మాట్లాడారు. జనగణన ఆధారంగానే ప్రజలకు ప్రభుత్వ పథకాలు, ఇతర సంక్షేమ కార్యక్రమాలు అందుతాయన్నారు. ఈ క్రమంలో జనగణనకు ఎంతో ప్రాధాన్యం ఇవ్వాలని, ఎటువంటి పొరపాట్లకు తావులేకుండా అప్రమత్తంగా వ్యవహరించాలన్నారు. జనగణనపై నిర్వహించే శిక్షణ సద్వినియోగం చేసుకోవాలని, జనగణన సైతం అత్యంత బాధ్యతాయుతంగా చేపట్టాలన్నారు. ప్రతి ఆవాస ప్రాంతాన్ని సందర్శించి, శత శాతం జనగణన చేపట్టాలన్నారు. ఈ సందర్భంగా జనగణనకు సంబంధించిన కిట్‌లను ఎన్యుమరేటర్లకు కలెక్టర్‌, తదితరులు అందించారు. ఈ కార్యక్రమంలో సబ్‌ కలెక్టర్‌ కె.సాహిత్‌, జిల్లా రెవెన్యూ అధికారి ఎం.వెంకటేశ్వరరావు, తదితరులు పాల్గొన్నారు.